«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
U tyktoku dniami źjaviłasia videa, dzie biełaruska pakazała kavałak mietału, jaki trapiŭsia jaje dačce ŭ marožanym «Kaštan» z łajmam, vyrablenym Minskim chaładzilnym kambinatam № 2. U kamientarach pad videa chutka adreahavaŭ aficyjny akaŭnt pradpryjemstva, piša Telegraf.news.
U pieršym kamientary pradstaŭniki kambinata paprasili prabačeńnia za toje, što spažyviec znajšoŭ u pradukcie starońni pradmiet. Jany adznačyli, što takija vypadki zdarajucca vielmi redka, adnak zavod surjozna stavicca da pytańnia kantrolu jakaści i ŭžo pravodzić pravierku, kab vyklučyć padobnaje ŭ budučyni. Taksama jany padziakavali za zvarot i prapanavali źviazacca niepasredna dla vyrašeńnia pytańnia.
Aŭtarka videa ŭ adkaz napisała, što čakaje aficyjnaha adkazu na svaju elektronnuju poštu. Paśla hetaha z akaŭnta kambinata źjaviŭsia jašče adzin kamientaryj: u im adznačałasia, što žančyna ŭžyvała zanadta hrubuju i niecenzurnuju leksiku, a kanfliktnyja situacyi treba vyrašać bolš karektna.
Heta aburyła aŭtarku skarhi jašče bolš. Jana padkreśliła, što taki vypadak moh skončycca trahiedyjaj, i zamiest taho, kab rabić zaŭvahi na adras jaje emocyj, zavod musiŭ by zasiarodzicca na surjoznaści situacyi.
Pradstaŭniki chaładzilnaha kambinata jašče raz padkreślili, što ŭśviedamlajuć niebiaśpieku i niasuć adkaznaść, ale pryznali, što padobnyja vypadki, na žal, byvajuć niekantralavanyja. Jany paŭtaryli, što ŭsio abstalavańnie praviarajecca, i jašče raz adznačyli: «takoje zdarajecca vielmi redka». Aficyjny list-skarhu jany atrymali i na jaho abaviazkova daduć adkaz, a taksama prymuć adpaviednyja miery.
Taksama pradstaŭniki kambinata adkazali i inšym karystalnikam TikTok, jakija ŭ kamientarach vykazvali abureńnie z nahody incydentu.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary