USAGM pahadziłasia vydzielić častku hranta Radyjo Svaboda, pakul sud razhladaje spravu
Ahienctva ZŠA pa hłabalnych miedyja (USAGM) pahadziłasia vydzielić miedyjakarparacyi Radyjo Svaboda/Radyjo Svabodnaja Jeŭropa častku srodkaŭ, vydzielenych Kanhresam. Pra heta stała viadoma 24 sakavika, napiaredadni zapłanavanaha sudovaha pasiedžańnia pa isku RSIE/RS suprać kiraŭnictva ahienctva. Isk źviazany z sprobaj USAGM spynić finansavańnie Radyjo Svaboda/Radyjo Svabodnaja Jeŭropa, paviedamlaje Rasijskaja słužba miedyjakarparacyi.
Heta aznačaje, što RSIE/RS atrymaje 7,46 miljona dalaraŭ — sumu, jakaja pakryvaje pieryjad z 1 pa 14 sakavika, to bok da dnia, kali adna z časovych kiraŭnic USAGM Kery Lejk zajaviła ab admovie vydzielić miedyjaarhanizacyi hrantavyja srodki.
«Ahienctva nieadkładna pryniało administracyjnyja zachady dla inicyjavańnia vypłaty», — havorycca ŭ liście USAGM, dałučanym da sudovaj spravy. Udakładniajecca, što srodki pavinny być pieraličanyja da 26 sakavika, a RSIE/RS atrymaje ich da kanca miesiaca.
Na sudovym pasiedžańni 24 sakavika pradstaŭnica Ministerstva justycyi ZŠA Abigiejł Stoŭt, jakaja vystupała ad imia USAGM, zajaviła, što hrantavaje pahadnieńnie pamiž ahienctvam i RSIE/RS, u adpaviednaści z Zakonam ab mižnarodnym viaščańni, dazvalaje USAGM spyniać finansavańnie, kali miedyjakarparacyja nie vykonvaje ŭmovy pahadnieńnia. «Takim čynam, zakon praduhledžvaje, što ahienctva moža spynić pradastaŭleńnie hranta», — paviedamiła Stoŭt.
Pradstaŭnik intaresaŭ RSIE/RS advakat Devid Zionts adznačyŭ, što «nie było b nijakaha sensu», kali b Kanhres uchvalaŭ finansavańnie tolki dziela taho, kab «ahienctvy mahli rabić usio, što im zachočacca».
Radyjo Svaboda/Radyjo Svabodnaja Jeŭropa praciahvaje damahacca vypłaty astatniaj častki hranta, raźličanaj na biudžetny 2025 hod, to bok da 30 vieraśnia 2025 hoda. Miedyjakarparacyja taksama padała ŭ sud chadajnictva ab papiaredniaj sudovaj zabaronie na spynieńnie finansavańnia. Sudździa Rojs Łambiert pavinien pryniać rašeńnie pa hetym pytańni ŭ najbližejšyja tydni.
Radyjo Svabodnaja Jeŭropa/Radyjo Svaboda 18 sakavika padała pazoŭ u sud na Ahienctva ZŠA pa hłabalnych miedyja, a taksama na słužbovych asob arhanizacyi Kery Lejk i Viktara Maralesa, kab zabłakavać ich sproby spynić dziejańnie zaćvierdžanaha Kanhresam ZŠA hranta, vydzielenaha na pracu arhanizacyi.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary
"vyłučyć" tut pa sensu - "NIJAK" (
"vyłučyć" - heta "vybrać ź niečaha", "vydzielić AD TAHO ŠTO NIE HODNA"
Pravilno Tramp s Maskom diełajut, čto pieriesmatrivajut hos raschody