U Hrodnie na 31-hadovaha kiroŭcu łahistyčnaj kampanii zaviali kryminalnuju spravu za prysvajeńnie majomaści — na jahonych rukach akazałasia 42 kiłahramy cukierak, jakija nie byli prapisányja ŭ dakumientach, paviedamlaje abłasnaja milicyja.
Kiroŭca zajmaŭsia dastaŭkaj hruzaŭ u handlovyja kropki pa ŭsioj krainie. Adnojčy jon pryvioz siem skrynak kandytarskich vyrabaŭ na skład viadomaj handlovaj sietki, ale pryniali tolki adnu — astatnija nie značylisia ŭ zamovie. Pieradajučy pradukcyju nazad kiroŭcu, składskija supracoŭniki nie aformili supravadžalnyja dakumienty.
Mužčyna skarystaŭsia situacyjaj: zamiest taho, kab viarnuć tavar pastaŭščyku, jon pakinuŭ jaho sabie. Pra heta zaŭvažyli tolki praź niekalki miesiacaŭ. Častku sałodkaha mužčyna razdaŭ svajakam, astatniaje pakinuŭ doma.
Pavodle śledstva, škoda kampanii skłała bolš za 1500 rubloŭ. U dačynieńni da kiroŭcy raspačata kryminalnaja sprava pa artykule ab prysvajeńni abo rastracie majomaści.
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja1
Kamientary