Źnikłyja ŭ Litvie amierykanskija vajskoŭcy jechali akazvać dapamohu inšaj mašynie
Kamandavańnie armii ZŠA ŭ Jeŭropie i Afrycy vydała aficyjny pres-reliz z nahody trahičnaha zdareńnia, jakoje adbyłosia ŭ noč na 25 sakavika z čatyrma amierykanskimi vajskoŭcami i ich braniravanym evakuacyjnym transpartnym srodkam M88 padčas vajskovych vučeńniaŭ na palihonie Pabradzie ŭ Litvie.
Vajskoŭcy, jakija słužyli ŭ 1-j bryhadzie 3-j piachotnaj dyvizii armii ZŠA, źnikli ŭ noč na 25 sakavika padčas vykanańnia techničnaha zadańnia pa evakuacyi inšaha vajskovaha transpartnaha srodku ZŠA ŭ vučebnaj zonie padčas zapłanavanych vučeńniaŭ, paviedamlaje amierykanskaje kamandavańnie. Ciapier praciahvajecca vyratavalnaja apieracyja.
«My zadziejničajem usie dastupnyja amierykanskija i litoŭskija resursy dla kaardynacyi i zabieśpiačeńnia nieabchodnych srodkaŭ dla hetaj apieracyi», — zajaviŭ hienierał-major armii ZŠA Kiorcis Tejłar, kamandujučy 1-j braniatankavaj dyvizijaj.
Jon vykazaŭ udziačnaść «našym litoŭskim sajuźnikam za ich addanuju i prafiesijnuju pracu pa zabieśpiačeńni biaśpieki amierykanskich vajskoŭcaŭ» i adznačyŭ, što:
«Praces evakuacyi ŭskładniajecca najaŭnaściu vady, viazkaj hrazi i miakkaj hleby vakoł miesca zdareńnia, što patrabuje vykarystańnia śpiecyjalnaha abstalavańnia dla adpampoŭki vady i ŭmacavańnia hruntu».
«Z-za asablivaściaŭ miascovaści heta vielmi składanaja inžyniernaja apieracyja. Kamanda pracuje nad tym, kab vydalić dastatkovuju kolkaść vady i hrazi, kab ratavalniki mahli biaśpiečna dabracca da mašyny, stabilizavać jaje i atrymać da jaje dostup», — skazaŭ major Robin Brus, inžynier 1-j braniatankavaj dyvizii.
Adnosna pakul nie znojdzienych ni žyvych vajskoŭcaŭ, ni ich ciełaŭ hienierał Kiorcis Tejłar adznačaje:
«Heta trahiedyja, jakaja ciažaram lažyć na ŭsich nas… My chočam, kab usie viedali: my nie spynimsia, pakul našy vajskoŭcy nie buduć znojdzienyja».
Čamu staŭ mahčymy vypadak z amierykanskimi vajskoŭcami na litoŭskim bałocie?
Ministr abarony Litvy: My nie tracim nadziei znajści amierykanskich vajskoŭcaŭ
Vyratavalnaja apieracyja na palihonie ŭ Litvie praciahvajecca. Čamu nie ŭdajecca adkryć luk husieničnaj mašyny?
Zatanułuju ŭ litoŭskim bałocie amierykanskuju broniemašynu znajšli, a vajskoŭcaŭ jašče šukajuć
Hiensak NATA paćvierdziŭ hibiel amierykanskich vajskoŭcaŭ u Litvie
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3232
Kamientary
:(