Zatanułuju ŭ litoŭskim bałocie amierykanskuju broniemašynu znajšli, a vajskoŭcaŭ jašče šukajuć
Staršynia Kamiteta pa nacyjanalnaj biaśpiecy i abaronie Siejma Litvy Hiadrymas Jahlinskas i pałkoŭnik u adstaŭcy Hintaras Ažubalis u efiry LRT raskazali, što viadoma pra amierykanskuju broniemašynu, jakaja zatanuła ŭ bałocie na litoŭska-biełaruskaj miažy, i ci sapraŭdy amierykanskija vajskoŭcy, jakija składali jaje ekipaž, zahinuli.
Pavodle infarmacyi Hiadrymasa Jahlinskasa, mašyna znojdziena, a pošuki vajskoŭcaŭ tolki viaducca. Paćvierdzić ich hibiel pakul litoŭskija aficyjnyja krynicy nie mohuć, takoj infarmacyi nie pastupała ni ad litoŭskaj armii, ni ad ambasady ZŠA.
Transpartny srodak, jaki zatanuŭ, vielmi ciažki — 60-70 ton, a miesca zatapleńnia — hłybokaje bałota. Tamu padniać mašynu vielmi składana. Dla hetaha patrabujucca śpiecyjalnyja srodki.
«Ja ŭpeŭnieny, što słužby vyratavańnia, palicyja i armija znojduć sposab vyrašyć hetuju prablemu jak maha chutčej. Paśla hetaha ŭ nas budzie bolš infarmacyi pra los čatyroch vajskoŭcaŭ. Pakul što ničoha nie paćvierdžana, čakajem aficyjnych danych ad śledstva i ambasady ZŠA», — paviedamiŭ litoŭski parłamientaryj.
Pavodle słoŭ Hintarasa Ažubalisa, zatanułaja mašyna —
«standartny amierykanski armiejski tankavy evakuatar — pa sutnaści, tank biez bajavoha modula. Jon pryznačany dla evakuacyi tankaŭ i inšaj ciažkaj techniki z pola boju pry bajavych dziejańniach, a ŭ mirny čas — dla buksiroŭki paškodžanaj techniki. U kožnym bataljonie takich mašyn zvyčajna 3-4 adzinki. Jany ŭvieś čas supravadžajuć manieŭranyja roty. Takija mašyny jość i ŭ bajavych hrupach. Naprykład, u Litvie jany vykarystoŭvajucca ŭ artyleryjskich bataljonach, ale ŭžo na bazie niamieckaha tanka Leopard».
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?32
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary