«Charčraźviorstka na bankaŭskim uzroŭni». Łojka patłumačyła, jak razumieć pieršyja zajavy Hałoŭčanki na čale Nacbanka
«Dastatkova dziŭnym i niepryjemnym było ŭražańnie ad taho, što jon adrazu zaniaŭ ahresiŭnuju pazicyju ŭ adnosinach minimalnaj niazhody».
Kiraŭnikom Nacbanka niekalki tydniaŭ nazad byŭ pryznačany były premjer-ministr Biełarusi Raman Hałoŭčanka. U novym analityčnym vypusku TOKu ekanamičnaja ahladalnica Volha Łojka padzialiłasia svaimi ŭražańniami ad pieršych publičnych zajavaŭ Hałoŭčanki.
Jana paradavałasia, što pieršaje vystupleńnie čynoŭnika na sustrečy z bankirami było pradstaŭlena nie ŭ pierakazie BiełTA, a ŭ videafarmacie. Heta dazvalaje skłaści bolš poŭnaje ŭjaŭleńnie pra toje, što čałaviek źbirajecca rabić.
«Uražańnie na samoj spravie dvaistaje», — zaŭvažaje Łojka i tłumačyć:
«Pa-pieršaje, jon vielmi śmiešna pierabłytaŭ, u jakoj piacihodcy žyvie. «Inviestycyi i inavacyi» — heta nie nastupnaja piacihodka. Nastupnaja piacihodka — heta «piacihodka jakaści».
Dastatkova dziŭnym i niepryjemnym było ŭražańnie ad taho, što jon adrazu zaniaŭ ahresiŭnuju pazicyju ŭ adnosinach minimalnaj niazhody.
Jamu zadali pytańnie, ci budzie źmiakčeńnie hrašova-kredytnaj palityki, ci budzie emisija, pavieličeńnie kredytavańnia dziaržsiektara. Atrymali adkaz, što voś «asobnyja insinuacyi…» A kali heta ščyraja niazhoda? A kali heta «ja prosta spytać?». Ja mahu ŭžo sumlenna spytać, kab heta nie nazvali insinuacyjami? Ja spytała — vy adkažycie.
Usio ž taki prafiesijanały nie bajacca pytańniaŭ. Lubych. Navat kali jany nie vielmi padabajucca».
Na pohlad Łojki, amal usio vystupleńnie Hałoŭčanki pierad bankirami było paćvierdžańniem viersii ab tym, što emisija budzie.
Dumać tak analityka prymusiła toje, što apahiejem vystupleńnia stała «ŭviadzieńnie niejkaha narmatyvu, pakazčyka dla bankaŭ, jaki budzie pakazvać udzieł banka ŭ ekanamičnym žyćci krainy».
«Hetaha nie było nikoli (…) Plus, treba razumieć, naša bankaŭskaja sistema paśpiachova pradadziena rasijskaj bankaŭskaj sistemie. (…)
Vy sprabujecie banki siłkom prymusić ŭkłaścisia ŭ ekanomiku krainy. I prybytak svoj jany pavinny addać. I prybytak maciarynskaha banka.
Ja nie vielmi ŭjaŭlaju, chto budzie paviedamlać rasijskim bankiram, što ad hetaj pary ich prybytak — heta nie ich prybytak, a toje, što jany pavinny nakiravać na finansavańnie biełaruskaj ekanomiki.
Heta niejkaja charčraźviorstka na bankaŭskim uzroŭni. Jak jon budzie heta realizoŭvać, ja nie viedaju. Heta ž nie niejkija varožyja banki, jakija sprabujuć svoj prybytak zacisnuć».
Hladzicie całkam:
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary