MARH paprasiŭ handal nie pakazvać rekłamu 8-10 maja, aformić vitryny ŭ vajskovym styli, a na kasiraŭ nadzieć piłotki
Ministerstva antymanapolnaha rehulavańnia i handlu vypuściła rekamiendacyi dla abjektaŭ handlu na čas śviatkavańnia 80-hodździa pieramohi nad Hiermanijaj.
MARH rekamienduje abjektam handlu i śfiery pasłuh nie paźniej za 10 krasavika aformić uvachody, vitryny i interjery ŭ śviatočnym styli ŭ honar 9 maja.
Rekamiendujecca vykarystoŭvać retra– i vajskovy styl. Na dumku čynoŭnikaŭ, heta «budzie asacyjavacca z vajennymi časami i pieramohaj nad fašysckimi zachopnikami, padkreślić pierajemnaść pakaleńniaŭ voinaŭ-vyzvalicielaŭ, jakija zmahalisia za Radzimu». Pry hetym MART stroha nahadvaje pra toje, što vykarystoŭvać «ekstremisckuju» simvoliku ŭ afarmleńni nielha.
Akramia taho, handlovym abjektam rekamiendujuć raźviesić płakaty i zapuskać na ekranach sacyjalnuju rekłamu ŭ honar 9 maja. MART prosić 8-10 maja naohuł nie pakazvać na ekranach kamiercyjnuju rekłamu, zamianiŭšy jaje na roliki pra vajnu.
Handlovym centram rekamiendujuć arhanizavać śpiecyjalnyja fotazony, pravieści konkursy, u tym liku dziciačych malunkaŭ, z pryzami ŭ vyhladzie dziaržaŭnaj simvoliki. Zamiest papularnaj muzyki ŭ kramach i TC prosiać uklučać pieśni vajennych hadoŭ i pra vajnu.
Supracoŭnikam śfiery handlu rekamiendujuć nadziavać butańjerki «Jabłynievy ćviet» i elemienty vajskovaj formy: piłotki, bieskazyrki, furažki, stylizavanyja pad vajskovyja ŭbory vajennych hadoŭ.
Taksama handlu rekamiendujuć pravieści maštabnyja źnižkavyja akcyi na tavary biełaruskaha vytvorčaści.
Ciapier čytajuć
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda46
Kamientary