Byłuju biełaruskuju žurnalistku z prytułkam u Čechii abvinavacili ŭ pracy na rasijskuju raźviedku
Byłaja biełaruskaja žurnalistka Natalla Sudlankova i supracoŭnik rasijskaj śpiecsłužby HRU Alaksiej Šaŭroŭ dadadzienyja ŭ češski nacyjanalny sankcyjny śpis. Pra heta 2 krasavika, paviedamiła Słužba infarmacyjnaj biaśpieki Čechii (BIS), piša «Radyjo Svaboda». Raniej Sudlankova atrymała ŭ Čechii prytułak, ale ciapier jana pavinna pakinuć krainu na praciahu 30 dzion.
Pa słovach ministra zamiežnych spraŭ Čechii Jana Lipaŭskaha, Natalla Sudlankova źjaŭlajecca klučavym supracoŭnikam rasijskaj vajskovaj vyviedki HRU i na praciahu mnohich hadoŭ tajemna i śviadoma pracavała na niekalki rasijskich arhanizacyj u Češskaj Respublicy, piša vydańnie Seznam Zpravy.
Pra toje, što češski ŭrad dadaŭ biełaruskuju žurnalistku Natallu Sudlankovu i supracoŭnika rasijskaj sakretnaj słužby HRU Alaksieja Šaŭrova ŭ nacyjanalny sankcyjny śpis, paviedamiŭ žurnalistam premjer-ministr Piotr Fijała paśla pasiadžeńnia Kabinieta ministraŭ.
Fijała zajaviŭ, što, pavodle vysnoŭ Słužby infarmacyjnaj biaśpieki (BIS), Sudlankova vykonvała apieracyi HRU ŭ Češskaj Respublicy, jakija išli niepasredna z Maskvy, a kiravaŭ joj Šaŭroŭ.
«Abiedźvie hetyja asoby ŭjaŭlajuć ryzyku i navat pahrozu biaśpiecy našaj krainy», — pryvodzić słovy Fijały Seznam Zpravy.
Pavodle źviestak češskaj śpiecsłužby, akramia HRU, Sudlankova supracoŭničała z rasijskaj karparacyjaj «Rasatam», Fondam padtrymki i abarony pravoŭ suajčyńnikaŭ, mieła dačynieńnie da hramadskaj arhanizacyi «Nieśmiarotny połk».
«Jaje dziejnaść finansavałasia niepasredna z Rasii. Za apošnija hady joj zapłacili dziasiatki tysiač jeŭra ŭ kryptavalucie», — cytuje Lipaŭskaha vydańnie Seznam Zpravy.
Akramia hetaha, jak paviedamlajecca, pa daručeńni HRU Sudlankova arhanizavała publikacyju niekalkich artykułaŭ u češskich ŚMI, a taksama pravodziła dziejnaść na karyść rasijskaha aliharcha Ališera Usmanava, jaki znachodzicca pad sankcyjami, što taksama stała pryčynaj uklučeńnia jaje ŭ śpis.
U śniežni 1999 hoda Natalla Sudlankova atrymała prytułak u Češskaj Respublicy, ale, pavodle słoŭ ministra ŭnutranych spraŭ Vita Rakušana (STAN), ciapier joj daviadziecca pakinuć krainu na praciahu 30 dzion. Šaŭroŭ, pavodle infarmacyi vydańnia Respekt, ciapier znachodzicca ŭ Rasijskaj Fiederacyi.
Uklučeńnie ŭ češski nacyjanalny sankcyjny śpis aznačaje, što adpaviednym asobam zabaraniajecca ŭjezd i znachodžańnie ŭ Češskaj Respublicy, zabaraniajucca lubyja finansavyja apieracyi praz češskija arhanizacyi abo zamarožvajucca lubyja aktyvy ŭ krainie.
U Čechii Sudlankova pracavała hałoŭnym redaktaram «Praskaha telehrafa» — ruskamoŭnaha štotydniovika, jaki vydavaŭsia ŭ Prazie. U minułym jana taksama supracoŭničała z Radyjo Svabodnaja Jeŭropa/Radyjo Svaboda i z časopisami Týden i Lidové noviny.
Palityčny prytułak Natalla Sudlankova atrymała praź pieraśled u Biełarusi. Tam jana nibyta bałatavałasia ŭ parłamient ad Abjadnanaj hramadzianskaj partyi, a taksama abvinavačvałasia ŭ finansavych złačynstvach. U adnym ź intervju češskamu telebačańniu ŭ 2011 hodzie Sudlankova kazała: «U mianie byli niekatoryja prablemy sa spadarom Łukašenkam i ludźmi ź jahonaj kamandy. My nie mahli zastavacca na adnoj radzimie», — uzhadvaje jaje słovy vydańnie Respekt.
U 2001 hodzie jaje zatrymali na češska-niamieckaj miažy na padstavie mižnarodnaha kryminalnaha ordera, vydadzienaha ŭradam Biełarusi. Ale češski sud adchiliŭ zapyt Minska, paličyŭšy abvinavačvańni Sudlankovaj nieabhruntavanymi.
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka
Aryštavali ŭ Polščy i departavali ŭ Kijeŭ ukrainskaha palitołaha, pastajannaha ŭdzielnika rasijskich prapahandysckich šou
U niamieckim bundestahu pracavaŭ rełakant z Rasii z suviaziami ŭ FSB
Ciapier čytajuć
Za niekalki dzion da vyzvaleńnia na palitźniavolenuju Kulšu zaviali novuju kryminalnuju spravu — čaćviorty raz4
Kamientary