U bresckim kaledžy praviali pakazalny sud nad mužčynam pa palityčnym artykule
Sud Maskoŭskaha rajona Bresta 2 krasavika pravioŭ vyjaznoje pasiadžeńnie ŭ aktavaj zale politechničnaha kaledža Bresckaha technałahičnaha ŭniviersiteta. Mužčynu, imia jakoha nie viadoma, było pradjaŭlena abvinavačańnie pa č. 1 art. 368 KK (publičnaja abraza Łukašenki), piša BG.media.
U čym mienavita abvinavačvali mužčynu, u pres-słužbie nie paviedamili. Sudździa Maryja Alifiaruk pryznała jaho vinavatym i pryznačyła dva hady abmiežavańnia voli biez nakiravańnia («chatniaja chimija»).
Sudździa vyniesła prysud «z ulikam pryznańnia svajoj viny i ščyraha raskajańnia ŭ ździejśnienym złačynstvie, a taksama inšych źmiakčalnych abstavinaŭ pa spravie».
Prysud nie ŭstupiŭ u zakonnuju siłu, moža być abskardžany i apratestavany.
Praces nad mužčynam byŭ pakazalnym — pierad navučencami politechničnaha kaledža. Sud Maskoŭskaha rajona Bresta nazyvaje jaho «prafiłaktyčnym mierapryjemstvam», hałoŭnaja meta jakoha — «zaścierahčy niepaŭnaletnich ad nierazvažlivych učynkaŭ, adkaznaść za ździajśnieńnie jakich vyznačana Kryminalnym kodeksam».
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary