У брэсцкім каледжы правялі паказальны суд над мужчынам па палітычным артыкуле
Суд Маскоўскага раёна Брэста 2 красавіка правёў выязное пасяджэнне ў актавай зале політэхнічнага каледжа Брэсцкага тэхналагічнага ўніверсітэта. Мужчыну, імя якога не вядома, было прад’яўлена абвінавачанне па ч. 1 арт. 368 КК (публічная абраза Лукашэнкі), піша BG.media.
У чым менавіта абвінавачвалі мужчыну, у прэс-службе не паведамілі. Суддзя Марыя Аліфярук прызнала яго вінаватым і прызначыла два гады абмежавання волі без накіравання («хатняя хімія»).
Суддзя вынесла прысуд «з улікам прызнання сваёй віны і шчырага раскаяння ў здзейсненым злачынстве, а таксама іншых змякчальных абставінаў па справе».
Прысуд не ўступіў у законную сілу, можа быць абскарджаны і апратэставаны.
Працэс над мужчынам быў паказальным — перад навучэнцамі політэхнічнага каледжа. Суд Маскоўскага раёна Брэста называе яго «прафілактычным мерапрыемствам», галоўная мэта якога — «засцерагчы непаўналетніх ад неразважлівых учынкаў, адказнасць за здзяйсненне якіх вызначана Крымінальным кодэксам».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары