«Heta rok-n-roł». Šura Stoŭn aceńvaje načosy łukašystak ź lehiendarnaha artykuła «Našaj Nivy»
«Takija načosy ja bačyŭ na apošnim pakazie brenda Miu Miu. Kali heta tam było, paviercie, jano chutka vierniecca».
Kamiedyjny błohier Alaksandr Dźmitryjenka viadomy ŭ jutubie i instahramie jak Šura Stoŭn abo Vykradalnik vodaraŭ (Pochititiel aromatov). Siarod inšaha jon robić ahlady ŭboraŭ haściej śvieckich mierapryjemstvaŭ ad «Oskara» da «Mis Suśvietu». Błohier rodam z Kijeva, ale ciapier žyvie ŭ Vialikabrytanii.
U novym vypusku jutub-prajekta «O(b)suždajem» viadučyja paprasili Šuru Stoŭn acanić načosy žančyn-udzielnic źjezdu «Biełaj Rusi», jakija byli pradstaŭleny ŭ našym artykule za 2018 hod.
«Tut taki pieŭnik», — zaŭvažyŭ Šura, pabačyŭšy pieršy zdymak. Jon kaža, što pamiataje takija pryčoski: «Heta nazyvałasia «kok». I heta rok-n-roł. Heta pryčoska z rok-n-roła».
«Heta takaja ŭ dekanacie siadzić. Heta paryk, davajcie budziem ščyrymi», — zaŭvažyŭ komik adnosna pryčoski dyrektarki bresckaha rynku Natalli Iljinickaj.
«Pamada srebnaja. Jana jak žalezny dryvasiek u pošukach serca», — zaŭvažyŭ Šura adnosna nastupnaha zdymku.
«A raptam my, jak budzie pa 55, pačniom heta rabić na aŭtamacie? Jak ptuški źlatajuć u ciopłyja krainy pa niejkim unutranym pokličy. I my pačniom taksama majstravać [padobnaje]», — razvažaje błohier.
Jašče adzin zdymak jon prakamientavaŭ tak:
«Ciapier byŭ pakaz [kalekcyi brendu] Miu Miu, pryśviečany italjanskim kros-dresieram 60-ch hadoŭ. (…) I tam voś takija načosy. Kali heta było ŭ Miu Miu, paviercie, jano chutka vierniecca».
«Ja chaču skazać — nakolki ŭščamili žančyn, što treba hetym łakam 45 chvilin…. Razumieješ, pakul mužyki zajmajucca svaimi spravami, niedzie prosta čylać, žančyny pavinny 45 chvilin nadračvać sabie hałavu łakam, potym hetaj płojkaj, ci što tam?» — paspačuvaŭ Šura Stoŭn.
Kamientary
dačuški