Pamior znakamity rasijski iluzijanist Emil Kia, pradstaŭnik słavutaj dynastyi fokuśnikaŭ. Jamu było 87 hadoŭ.
Emil Kia pachodziŭ z cełaj dynastyi iluzijanistaŭ. Jahony baćka taksama Emil Kia, byŭ narodnym artystam RSFSR, arhanizoŭvaŭ vialikija cyrkavyja pradstaŭleńni i raspracoŭvaŭ cyrkavuju aparaturu. Jon byŭ adnym ź pieršych iluzijanistaŭ, chto staŭ vystupać na arenie cyrka, što da taho času ličyłasia niazručnym dla fokuśnikaŭ. Siarod jaho viadomych numaroŭ — «Raśpiłoŭvańnie žančyny», «Tajamničy domik», «Hulivier u krainie liliputaŭ», «Šachmaty». Jon hastralavaŭ pa SSSR i zamiežžy. Paśla jaho śmierci ŭ 1965 hodzie spravu praciahnuli syny — Emil i Ihar.
Brat Emila, Ihar Kia, jaki pamior u 2006 hodzie, taksama byŭ iluzijanistam, pracavaŭ razam z baćkam, mieŭ ułasnyja numary i navat šou razam z Ałaj Puhačovaj. U kancy 1980‑ch jon stvaryŭ «Šou-iluzijon Ihara Kia». Taksama Ihar Kia nabyŭ viadomaść jak adzin sa šmatlikich paluboŭnikaŭ dački Leanida Brežnieva Haliny.
Sam Emil Kia-małodšy pačynaŭ jak asistent u baćki, paźniej staŭ artystam «Sajuździaržcyrka». Jon staŭ viadomy numarami, kali miakki viarovačny kanat pieratvarajecca ŭ ćviordy, na jaki załazić himnast, a z maleńkaha aŭtamabila «Zaparožac» u jaho vychodzili 18 čałaviek.
Dzieci i ŭnuki Emila Kia nie praciahnuli siamiejnuju dynastyju, tamu ŭ 2012 hodzie jon pieradaŭ svaje cyrkavyja numary fokuśniku Ernestu Sarkisianu.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary