«Paśla ŭskryćcia nie zachoŭvać». Ci aznačaje heta fraza na ŭpakoŭcy małaka, što jaho treba vypivać adrazu?
Biełarusaŭ ździviŭ i aburyŭ nadpis na butelcy małaka ad mahiloŭskaha pradpryjemstva «Babulina krynka»: «Paśla ŭskryćcia ŭpakoŭki nie zachoŭvać», pra jaki napisała ŭ Threads adna z karystalnic. Publikacyja vyklikała šyrokaje abmierkavańnie: ludzi žartavali, što litr małaka ciapier treba ŭžyvać za niekalki chvilin, i sumniavalisia ŭ jakaści praduktu. Žurnalisty vydańnia «Smartpres» pravieryli infarmacyju ŭ kramach i paćvierdzili — taki nadpis sapraŭdy jość. Ale što jon aznačaje?
Na haračaj linii «Babulinaj krynki» patłumačyli, što hetaja farmuloŭka vykarystoŭvajecca daŭno i nijakich novych źmienaŭ nie ŭnosiłasia. Sens u tym, što termin prydatnaści paznačajecca tolki dla hiermietyčna zakrytaj upakoŭki. Paśla jaje adkryćcia vytvorca nie moža kantralavać umovy zachoŭvańnia i, adpaviedna, nie niasie adkaznaści za jakaść praduktu.
U kampanii adznačyli, što ludzi zachoŭvajuć małako pa-roznamu: chtości — u chaładzilniku, a chtości — u nienaležnych umovach. Akramia taho, paśla ŭskryćcia ŭpakoŭki ŭ małako traplajuć bakteryi z pavietra, što paskaraje jaho psavańnie. Tamu nichto z vytvorcaŭ nie paznačaje, kolki dzion možna zachoŭvać małako paśla adkryćcia.
Takim čynam, nadpis nie zabaraniaje zachoŭvać małako paśla adkryćcia, ale aznačaje, što vytvorca harantuje jakaść tolki da momantu parušeńnia hiermietyčnaści ŭpakoŭki.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»34
Kamientary