«Biełarusnafta» ŭpieršyniu za 30 hadoŭ zdabyła 2 miljony ton nafty za hod.
Kancern «Biełarusnafta» paviedamiŭ, što naftaviki dasiahnuli histaryčnaha pakazčyka: pa vynikach 2025 hoda abjom zdabytaj nafty skłaŭ 2 miljony ton.
Hałoŭnym faktaram pośpiechu stali novyja technałohii. Dziakujučy ličbavamu kiravańniu i mietadam haryzantalnaha bureńnia, śpiecyjalisty zmahli zdabyvać naftu ź ciažkadastupnych płastoŭ, jakija raniej ličylisia niepierśpiektyŭnymi.
U 1975 hodzie pradpryjemstva vyjšła na pik hadavoj naftazdabyčy — kala 8 miljonaŭ ton. Zatym z pryčyny abmiežavanaści zapasaŭ i inšych pryčyn hety ŭzrovień dziesiacihodździami źnižaŭsia. Tolki ŭ 2017‑m hodzie stali pastupova naroščvać abjomy.
Užo ŭ nastupnym hodzie naftaviki płanujuć zdabyć 2,1 miljona ton, a da 2030 hoda vyjści na ŭzrovień 2,3 miljona ton u hod.
Kamientary