U vydaviectvie Gutenberg Publisher vyjšli pieršyja try knihi ambicyjnaj dziciačaj sieryi «Čytaju sabie sam», na jakuju źbirali srodki hurtam praz kraŭdfandynhavuju kampaniju, piša Bellit.info.
«Kožny vypusk sieryi składajecca z troch knih roznych uzroŭniaŭ składanaści: čytajem pa słovach, pa skazach, pa abzacach. Adnak ad zvykłych čytanak paśla bukvara jany roźniacca samastojnaściu tvoraŭ: heta nie prymityŭnyja historyi pra toje, jak mama myła ramu, a sapraŭdnyja siužety z zaviazkaj, kulminacyjaj i raźviazkaj», — tłumačać u vydaviectvie.
Knihi majuć admysłovyja matyvatary dla maleńkich čytačoŭ, taksama ŭ vydańniach uličany toj fakt, što dzieciam emihrantaŭ niaprosta pačać čytać kirylicaj. U pieršych knižkach rasstaŭlenyja naciski i rasfarbavanyja składy.
Na advarotnym baku vokładki baćki znojduć mietodyku, jak zrabić tak, kab dzicia «rasčytałasia», a taksama tablicu, jakaja z hetym dapamoža. Takuju tablicu možna taksama spampavać na qr-kodzie i nadrukavać, kab paviesić na ladoŭniu.
«Siabry ŭ dvary». Alena Zarnickaja. Malunki Daryny Charytončyk
Dvor žyŭ družna, pakul adnojčy pacuk nie nadumaŭ skraści małoje myšania. Razam siabry adbilisia ad nachaby, a ŭrešcie i pieravychavali pacuka.
Na hetym etapie patrebnyja prostyja skazy (1-2 na staronku) i zajmalnyja siužety.
«Zajac i Miadźviedź jeduć da babuli». Andrej Skurko. Malunki Maryi Płatonavaj.
Siabry Zajac i Miadźviedź vinšujuć babulu z Dniom naradžeńnia, a taksama vybirajuć novy aŭtamabil.
Tolki samyja daŭhija i składanyja słovy padzieleny koleram na składy. Niekalki skazaŭ na staroncy.
«Kazki haradskoha parku». Alaksandr Ždanovič (Malavanyč). Malunki Maryi Płatonavaj.
U knizie dźvie haradskija historyi. Pieršaja pra pryvida, što žyvie ŭ haradskim luku i pałochaje minakoŭ. Dziaŭčynka razhadvaje jaho tajamnicu. Druhaja pra nasielnikaŭ parku, jakija adnojčy hublajuć dobraha siabra i traplajuć u kiepskuju kampaniju. Urešcie ŭsio staje na svaje miescy.
Na trecim kroku dzicia moža samastojna pračytać cełuju staronku tekstu. Kazki hetaj knižki možna taksama pasłuchać na Knižnym vozie!
U čym nachabstva? U tym, što my taki pierakananyja, što davoli šmat ludziej choča navučyć svaich dziaciej čytać pa-biełarusku — i ŭ hetaha prajekta chutka budzie praciah.
Knižki možna zamović i ŭ Biełaruś: dastaŭka kamplekta kaštuje 28 złotych (kala 6 jeŭra).
-
Vyjšła aŭtabijahrafija Marka Šahała «Svajo»
-
«Ruskaj movy moj syn nie čuje». Marharyta Laŭčuk — pra vykliki maciarynstva, viartańnie na vialikuju scenu, abražanaha Łukašenku i kachańnie
-
U Vilni ŭšanujuć pamiać biełaruskaha fatohrafa Juzafa Čachoviča i mastakoŭ Ślandzinskich. Vakoł šyldaŭ razhareŭsia moŭny skandał
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary