Siarhiej Hłaźjeŭ staŭ novym dziaržaŭnym sakratarom Sajuznaj dziaržavy
Pra heta na sustrečy ź im zajaviŭ siońnia Alaksandr Łukašenka.
«My damovilisia z Uładzimiram Uładzimiravičam Pucinym, što vaš układ u budaŭnictva Sajuznaj dziaržavy pavinien być značnym. Jon dobraha mierkavańnia pra vas. Majo mierkavańnie vy daŭno viedajecie. Tamu my vyznačylisia. U suviazi z tym, što zakančvajecca termin znachodžańnia ŭ hetaj pasadzie Dźmitryja Mieziencava, i jon pierachodzić na inšuju pracu, my pryniali takoje rašeńnie — pryznačyć vas kiraŭnikom i ruchavikom našaj sajuznaj intehracyi ŭ płanie kiraŭnictva ŭsim aparatam SD. Dumaju, što efiekt budzie dobry», — skazaŭ Łukašenka.
Hłaźjeŭ naradziŭsia ŭ 1961 hodzie va ŭkrainskim Zaparožžy.
Byŭ ministram źniešnieekanamičnych suviaziaŭ Rasii, deputatam Dziarždumy, namieśnikam hienieralnaha sakratara JevrAzES. Byŭ členam kalehii (ministram) pa intehracyi i makraekanomicy Jeŭrazijskaj ekanamičnaj kamisii, daradcam Pucina pa kaardynacyi dziejnaści fiederalnych orhanaŭ vykanaŭčaj ułady, skiravanaj na raźvićcio jeŭrazijskaj intehracyi ŭ miežach Mytnaha sajuza i Adzinaj ekanamičnaj prastory.
Raniej stała viadoma, što dziaržaŭny sakratar SD Dźmitryj Mieziencaŭ pryznačany pradstaŭnikom prezidenta Rasii ŭ Kanstytucyjnym sudzie.
Kamientary
Da, dla sovmiestnoho piliłova, łučšuju kandidaturu nie najti.