U Ministerstvie antymanapolnaha rehulavańnia i handlu raskazali pra situacyju z bulbaj u biełaruskich kramach. Kamientaryj na hetuju haračuju temu dała pres-sakratarka ministerstva Darja Pałazkova, piša BiełTA.
Darja Pałazkova adznačyła, što pradstaŭniki MARH naviedali niekalki handlovych abjektaŭ u Minsku. Pavodle jaje słoŭ, bulba, a taksama inšaja harodnina z naboru dla baršču ŭ asartymiencie tam była.
Pradstaŭnik viedamstva dadała, što ŭradam byli pryniatyja miery pa vyrašeńni situacyi z deficytam bulby, jakaja ŭźnikła, maŭlaŭ, pa pryčynie dysparytetu cen, kali biełaruskim vytvorcam bolš vyhadna było pastaŭlać bulbu na źniešnija rynki.
Ź siońniašniaha dnia ŭstupiła ŭ siłu pastanova Savieta Ministraŭ №713(7), jakoj hraničnaja maksimalnaja adpusknaja cana na bulbu pavialičanaja z 76 kapiejek da 1 rubla», — nahadała pres-sakratarka MARH.
Pałazkova źviarnuła ŭvahu, što Ministerstva sielskaj haspadarki i charčavańnia, abłasnyja vykankamy paćviardžajuć najaŭnaść u stabilizacyjnych fondach nieabchodnaj kolkaści bulby dla ŭnutranaha rynku. Jana ŭdakładniła, što śpiecyjalistami viedamstva pastajanna pravodziacca manitorynhavyja mierapryjemstvy ŭ handlovych abjektach, jakija tyčacca nie tolki bulby, ale taksama i inšaj harodniny.
«Padstaŭ dla pieražyvańniaŭ u nasielnictva być nie pavinna», — zajaviła pradstaŭnica MARH.
Ni bulby, ni kapusty. U mnohich kramach źnikła harodnina, na bazarach ceny zaškalvajuć
Kab nabrać dobraj, treba pakorpacca. Novaja revizija bulbianoj prapanovy ŭ kramach Minska zaśviedčyła sumny stan
Što adbyvajecca z bulbaj u Biełarusi i čamu jaje stała mienš u kramach. Reč nie tolki ŭ źmianšeńni abjomaŭ pasadak
Praduktovy košyk na Vialikdzień u Biełarusi i Polščy — paraŭnańnie cenaŭ
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary