Alaksandr Łukašenka padpisaŭ ukaz № 155 «Ab mierach pa raźvićci mižnarodnych aŭtamabilnych pieravozak hruzaŭ». Zhodna z hetym dakumientam, hruzaviki nie starejšyja za 3 hady (a taksama tyja, jakija adnosiacca da ekałahičnaha kłasa 5 i vyšej), pryčepy i paŭpryčepy pry ŭvozie ŭ Biełaruś vyzvalajucca ad vypłaty ŭtylizacyjnaha zboru.
Dakumient, jak aznačajecca, nakiravany na stvareńnie dadatkovych umoŭ dla abnaŭleńnia biełaruskimi aŭtapieravozčykami parku transpartnych srodkaŭ, kankurentazdolnych na mižnarodnym rynku.
Ilhoty ž, jakija ŭvodziacca, pavinny dazvolić pavialičyć ekspart transpartnych pasłuh i buduć spryjać u cełym raźvićciu ekspartaaryjentavanaha siehmienta ekanomiki krainy.
Skarystacca lhotaj mohuć tolki tyja kampanii, jakija vykarystoŭvajuć hetyja mašyny abo pryčepy ŭ mižnarodnych pieravozkach na praciahu hoda. Ličycca, što hetaja miera moža dapamahčy mižnarodnym pieravozčykam abnaŭlać svoj aŭtapark.
Kamientary