Łukašenka abvinavaciŭ u prablemach na «Amkadory» jahonaha byłoha ŭładalnika
Padčas siońniašniaha naviedvańnia Aršanskaha rajona Łukašenka zajaviŭ, što ŭładam treba «vyrašać nie tolki pytańnie ŭłasnaści, ale i daŭhoŭ» na mašynabudaŭničym pradpryjemstvie «Amkador». U prablemach ža prapryjemstva jon abvinavaciŭ jaho ŭładalnika, jakim da niadaŭniaha času byŭ praŭładny biznesmien Alaksandr Šakucin.
17 krasavika Łukašenka zajaŭlaŭ, što najbližejšym časam «daviadziecca vielmi mocna pracavać na «Amkadory».
«Z «Amkadoram» u nas vialikija prablemy. Tamu treba pryvodzić hetaje pradpryjemstva da prytomnaści. I ni ŭ jakim razie nielha zahubić», — skazaŭ jon, padkreśliŭšy pierśpiektyŭnaść pradpryjemstva.
Raniej stała viadoma, što šmathadovaha kiraŭnika «Amkadora» Alaksandra Šakucina, jakoha nazyvali adnym z nabližanych da Łukašenki biznesmienaŭ, adchilili ad kiraŭnictva pradpryjemstvam. Dziaržava adabrała ŭ Šakucina kampaniju, addaŭšy jaje pad kantrol BiełAZa.
Ciapier ža Łukašenka adkrytym tekstam skazaŭ, što «pradpryjemstva znachodzicca ŭ składanym stanoviščy praź dziejańni ŭładalnika».
AAT «Amkador» — biełaruskaja mašynabudaŭničaja kampanija. Jana zajmajecca vytvorčaściu i realizacyjaj śpiecyjalnych mašyn dla darožna-budaŭničaj, łahistyčnaj, torfazdabyŭnoj, kamunalnaj, lasnoj, sielskahaspadarčaj halin. Pa stanie na 2022 hod u strukturu chołdynhu «Amkador» uvachodziła 26 pradpryjemstvaŭ, u tym liku 17 zavodaŭ u Biełarusi i Rasii.
U Šakucina zabrali harotny daŭhabud «Šanter Chił» kala Drazdoŭ
Łukašenka pryznaŭ vialikija prablemy na «Amkadory»
Znajšłosia jašče adno paćviardžeńnie taho, što «Amkadoram» kiruje nie Šakucin, a mieniedžary BiełAZa
Łukašenka nacyjanalizavaŭ «Amkador». Šakucin staŭ prostym biełaruskim piensijanieram
Biełaruskija kampanii pastaŭlajuć u Rasiju zachodnija mikraschiemy ŭ abychod sankcyj — novaje rasśledavańnie
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary