U Asipovičach zahinuła paŭtaramiesiačnaja dziaŭčynka: jaje ŭpuścili pjanyja baćki
Baćki viarnulisia z ałkaholnaj viečarynki i sprabavali supakoić dzicia. U niejki momant dziaŭčynku ŭpuścili.
Trahiedyja adbyłasia ŭ Asipovičach uviečary 20 krasavika. U pryvatny dom vyklikali chutkuju da paŭtaramiesiačnaj dziaŭčynki. Ale miedyki, prybyŭšy na miesca, byli vymušany kanstatavać śmierć niemaŭlaci.
Akazałasia, dzicia zahinuła z-za padzieńnia. Dziaŭčynka ŭ maładoj siamji naradziłasia ŭ lutym. Niahledziačy na naradžeńnie dziciaci, baćki nie admovilisia ad viečarynak ź siabrami i praciahvali vypivać. Ranicaj 20 krasavika maładyja baćki sa svajakom naładzili śviatočnaje zastolle z ałkaholem u dvary.
Praź niekatory čas sužency pad hradusam zajšli ŭ dom i chacieli supakoić dačku, jakaja płakała. Pjanyja baćki ŭziali dzicia na ruki, ale nie ŭtrymali. Dziaŭčynka, upaŭšy, atrymała śmiarotnyja traŭmy.
Daktaroŭ baćki vyklikali nie adrazu, a potym zajavili, što niaščasny vypadak adbyŭsia bieź ich udziełu, piša Śledčy kamitet.
Ekśpiertyza pakazała, što śmierć dziciaci nastupiła ŭ vyniku čerapna-mazhavoj traŭmy. Zaviedzienaja kryminalnaja sprava za pryčynieńnie śmierci pa nieaściarožnaści.
Kamientary