Tramp zdaje nazad: ZŠA źniziać šalonyja taryfy ŭ dačynieńni da kitajskich tavaraŭ
Amierykanskija mytnyja pošliny na tavary z Kitaja źmienšacca, adnak nie buduć nulavymi, zajaviŭ prezident ZŠA Donald Tramp. Jon pryznaŭ, što taryf u 145 pracentaŭ sapraŭdy vielmi vysoki, i jon takim nie budzie.
Prezident ZŠA Donald Tramp abviaściŭ pra značnaje źmianšeńnie taryfaŭ na impart z Kitaja, ale padkreśliŭ, što poŭnaja admiena pošlin nie płanujecca. Hetaje rašeńnie stała adkazam na narastajučy cisk z boku biznesu i finansavych rynkaŭ.
«My budziem vielmi dobryja da Kitaja», — zajaviŭ Tramp, adznačyŭšy, što taryfy, jakija raniej dasiahali 145%, buduć «značna» źmienšany, ale nie skasavanyja całkam.
Hetaje źmiakčeńnie palityki adbyvajecca na fonie papiaredžańniaŭ Mižnarodnaha valutnaha fondu pra toje, što amierykanskija taryfy stali «surjoznym niehatyŭnym šokam» dla suśvietnaj ekanomiki i vyklikali panižeńnie prahnozaŭ rostu VUP.
Niahledziačy na źmiakčeńnie pazicyi, bazavy taryf u 10% na impart zastajecca ŭ sile, i Tramp nie vyklučaje mahčymaści dalejšaha pavyšeńnia pošlin, kali Kitaj nie pojdzie na sastupki. Kitaj u adkaz uvioŭ 125% taryfy na amierykanskija tavary i abmiežavaŭ ekspart redkaziamielnych mietałaŭ, što jašče bolš abvastryła napružanaść.
Na fonie hetych padziej hrupa z amal 900 ekanamistaŭ, uklučajučy dvuch łaŭreataŭ Nobieleŭskaj premii, padpisała adkryty list z krytykaj taryfnaj palityki Trampa, nazvaŭšy jaje «pamyłkovaj» i takoj, što moža pryvieści da «samapryčynienaj recesii».
Ekśpierty adznačajuć, što chacia źmiakčeńnie taryfaŭ moža prynieści časovuju palohku, praciahłaja niapeŭnaść u handlovaj palitycy ZŠA moža niehatyŭna adbicca na suśvietnaj ekanomicy i daviery inviestaraŭ.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary