Na samicie ŭ Armienii Ilcham Alijeŭ mocna paspračaŭsia sa staršynioj Jeŭraparłamienta
Na samicie Jeŭrapiejskaj palityčnaj supolnaści ŭ Jerevanie adbyłasia vostraja publičnaja sprečka pamiž prezidentam Azierbajdžana Ilchamam Alijevym i staršynioj Jeŭraparłamienta Rabiertaj Mietsołaj, piša Euronews.
Alijeŭ abvinavaciŭ Jeŭraparłamient u tym, što jon nibyta raspaŭsiudžvaje chłuśniu i dezynfarmacyju pra Azierbajdžan i zanadta žorstka jaho krytykuje. Jon nazvaŭ takuju pazicyju «svajho rodu apantanaściu» jahonaj krainaj i zajaviŭ, što azierbajdžanski parłamient prypyniaje supracoŭnictva ź Jeŭraparłamientam.
Taksama jon śćviardžaŭ, što deputaty ES nibyta pieraškadžajuć mirnamu pracesu pamiž Armienijaj i Azierbajdžanam, jaki byŭ zapuščany pry pasiarednictvie ZŠA paśla zaviaršeńnia kanfliktu vakoł Nahornaha Karabacha.
U adkaz Rabierta Mietsoła vystupiła ŭ abaronu Jeŭraparłamienta. Jana padkreśliła, što heta demakratyčny instytut, dzie rašeńni prymajucca hałasavańniem, i što krytyka z boku niekatorych krain nie źmienić pryncypaŭ jaho pracy.
Jak paviedamlajecca, vystupleńnie Alijeva nie było zahadzia zapłanavana, tamu Mietsoła zapatrabavała słova, kab adkazać na abvinavačvańni.
Jeŭraparłamient raniej prymaŭ rezalucyi z krytykaj situacyi ŭ Azierbajdžanie, u tym liku adnosna Nahornaha Karabacha i pravoŭ armianskaha nasielnictva paśla kanfliktu.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary
Žorstki spadčynny dyktatar Alijeŭ vielmi imkniecca zastavacca dla zachadu "svaim sukinym synam", bo tolki tudy jon moža pradać azierbajdžanskija naftu i haz, u čym jon kankuruje suprać Rasiei. Tym bolš, što bolšuju častku hrošaŭ ad prodažu azierbajdžanskich vuhlevadarodaŭ prysabiečvaje najbahaciejšaja siamja Azierbajdžana z proźviščam surprise, surprise .... Alijevy.
Represiŭnaja palityka Alijeva doŭhija hady hruntavałasia na padmurku militaryzacyi i abjadnańnia nacyi vakoł mocnaha dyktatara i nianaviści suprać vonkavaha voraha - Armienii i Arcachu, što davoli typova dla luboj dyktatury. I voś Arcachu bolš niama, a ad Alijeva patrabujuć vynuć i vykinuć ledź nie hałoŭny stryžań jaho dyktatury. Miž tym ekanamičnyja dasiahnieńni Azierbajdžanu za časy panavańnia dynastyi Alijevych vielmi ścipłyja, a pamier VUP na dušu nasielnictva va ŭmovach vieličeznaha naftahazavaha dopinhu nie našmat lepšy za armianski. Nieviadoma, ci pryviadzie heta da padzieńnia alijeŭskaj dyktatury, ale niezadavoleńnie ŭ azierbajdžanskim hramadstvie budzie pastupova ŭzrastać.