Z čornaha śpisu artystaŭ prybrali try hurty. Dazvolili navat «Kino»
Niadaŭna «Naša Niva» apublikavała abnoŭleny čorny śpis artystaŭ, čyje pieśni zabaroniena vykonvać u Biełarusi. Paśla publikacyi minskim ustanovam dali dazvoł na chity niekatorych rok-hurtoŭ.
U sakaviku ŭ naša rasparadžeńnie trapiŭ śviežy śpis sa 179 pazicyj zabaronienych vykanaŭcaŭ. Čynoŭniki ŭnieśli tudy nie tolki ŭkrainskich zorak i praciŭnikaŭ pucinskaha režymu, ale i zaŭziatych Z-patryjotaŭ. Paśla taho, jak hetaja infarmacyja raźlaciełasia, ideołahi, padobna, vyrašyli pierahledzieć svaje ž zabarony.
Jak stała viadoma «Našaj Nivie», ciapier u karaokie-kłubach znoŭ možna lehalna śpiavać pieśni hurta «Źvieri» i pop-rokavaha hurta «Hradusy». Abodva hurty aktyŭna hastralujuć na akupavanych terytoryjach Ukrainy.
Jašče adno pasłableńnie tyčycca kultavaha hurta «Kino». Pieśni Viktara Coja taksama dazvolili viarnuć u karaokie, ale z adnoj pryncypovaj umovaj.
Śpiavać pieśniu «Pieriemien», jakaja była adnym z himnaŭ pratestaŭ 2020-ha, usio jašče stroha zabaroniena.
«Naša Niva» — bastyjon biełaruščyny
PADTRYMAĆ
Kamientary
[Zredahavana]
i słova takoha taksamia niama
i hurta "ŹVIARY" - taksama nie było (kali što)!
"Vysarvali mierapryjemstva" ledź nie płačučy kryčaŭ jon. Asałoda