«Nie dla prostych śmiarotnych». Biełarusy šakavanyja canoj vady ŭ restaranie
Z prychodam ciapła popyt na achaładžalnyja napoi, viadoma, raście. Ale, jak vyśvietliłasia, u niekatorych restaranach zadavolić smahu — zadavalnieńnie amal premijalnaha ŭzroŭniu, piša vydańnie Tochka.by.
Novuju chvalu hastranamičnych sprečak zapuściŭ u Threads biełarus mc_maxim, jaki apublikavaŭ fatahrafiju mieniu adnoj ź minskich ustanoŭ.
Za 375 mł hazavanaj abo niehazavanaj vady ŭ restaranie prosiać Br25, a za butelku abjomam 750 mł — Br35.
Dziela spraviadlivaści, havorka idzie nie pra vadu z palicy najbližejšaha supiermarkieta. U mieniu paznačanaja premijalnaja italjanskaja marka Filette, jakaja pazicyjanujecca jak ekałahična čystaja vada vysokaha kłasa. Jak zaŭvažyła karystalnica lacquerize, navat u roźnicy maleńkaja butelka hetaha brenda kaštuje kala Br10. Adnak taki arhumient pierakanaŭ nie ŭsich.
Dla mnohich taki ceńnik akazaŭsia, miakka kažučy, pieraboram. Voś tolki častka reakcyj:
«Vada nie dla prostych śmiarotnych».
«Doraha».
«Vada nie moža kaštavać $12, abo ŭ 12 razoŭ daražej za bienzin. Pry ŭsim žadańni».
«Žudaść».
«Mahli b śmieła 50 na ŭsio stavić».
U kamientaryjach źviarnuli ŭvahu i na inšyja napoi ŭ mieniu. Naprykład, na koka-kołu, jakaja va ŭstanovie kaštuje prykładna ŭ piać razoŭ daražej, čym u kramie. Adnak znajšlisia i tyja, chto ŭ restarannych cenach ničoha niezvyčajnaha nie ŭbačyŭ.
«Dyk i vy nie ŭ kijosku kala doma», — piša karystalnik dmitry_leshok.
Jaho padtrymali i inšyja kamientatary, nahadaŭšy, što ŭ restaranie płaciać nie tolki za sam pradukt, ale i za interjer, absłuhoŭvańnie, arendu i status ustanovy. Tamu paraŭnoŭvać takija ceny z kramnymi niekarektna.
Kamientary
Spytał u huhła i ši ab kolkaści ab́jemie vyrabnictva hetaj Filety u harach Apieninach
Adkaz maje zdahadki )))paćvierdził))))
Točnych cifr obŝieho hodovoho objema proizvodstva v litrach v otkrytych istočnikach niet, tak kak marka pozicionirujetsia kak priemialnyj, butikovyj produkt.
)))) Nu jak Vam Filetta ))))
A italjanskij vozduch po 10 jevro za vzdoch v mieniu jesť?