Pavodle infarmacyi ad vidavočcaŭ, pažar pačaŭsia ŭ pramysłovaj zonie siała Kiryłaŭka pad Navarasijskam — adbyłosia ŭzharańnie jomistaści z dyzielnym palivam. Paśla ahoń pierakinuŭsia na aŭtamabili i kantejniery, zhareła niekalki hruzavikoŭ.
U tušeńni zadziejničanyja, jak paviedamlajecca, 8 pažarnych raźlikaŭ, 27 čałaviek. Pavodle papiarednich źviestak, paciarpiełych niama.
«Pryčyna pažaru budzie ŭstanoŭlena paśla tušeńnia i praviadzieńnia adpaviednych mierapryjemstvaŭ», — havorycca ŭ paviedamleńni kiraŭnika Navarasijska Andreja Kraŭčanki.
Adnak ža ŭžo jość viersija, što pažar na naftabazie ŭ Navarasijsku moža być vynikam traplańnia ŭ jaje ŭkrainskaj rakiety «Nieptun». Raniej rasijskija manitorynhavyja kanały paviedamlali pra rakietnuju niebiaśpieku.
Na videa, zapisanych miascovymi žycharami, čuvać vybuchi.
Kamientary