Šeść z dvaccaci honščykaŭ «Formuły 1» sioleta — pačatkoŭcy. Adzin ź ich niadaŭna atrymaŭ pravy kiroŭcy
Pierad novaj hienieracyjaj honščykaŭ niekalki vyklikaŭ: asvoić aŭtamabili ź minimalnaj kolkaściu test-drajvaŭ, a taksama pryzvyčaicca da publičnaha žyćcia.
Stać honščykam Formuły-1 — značyć dałučycca da adnaho z samych elitnych kłubaŭ u śviecie, i źjaŭleńnie ŭ takim kłubie navat adnaho-dvuch pačatkoŭcaŭ zaŭsiody pryciahvała ŭvahu.
Sioleta ich adrazu šeść — bolš za čverć piłotaŭ, jakija vychodziać na start kožnaj honki, adznačaje The Wall Street Journal. Heta Džek Duen, Kimi Antaneli, Oli Bierman, Habryel Bartaleta, Isak Chadžar i Liam Łoŭsan.
Siaredni ŭzrost hetaj hrupy — 20 hadoŭ. Samy małady — Antaneli, jakomu 18 — atrymaŭ pravy kiroŭcy ŭsiaho za niekalki tydniaŭ da svajho debiutu ŭ «Formule-1» za kamandu Mercedes.
Kiraŭniki kamand vybirali pačatkoŭcaŭ siarod samych pierśpiektyŭnych zorak małodšych honačnych sieryj. Usie jany pačali svaju karjeru z kartynhu, kali byli jašče malečaj. Adnak nijaki dośvied nie moža całkam padrychtavać da vyklikaŭ «Formuły-1».
Davaj rady abo idzi sabie
Za pieršyja piać honak Antaneli pakazaŭ najlepšy vynik siarod pačatkoŭcaŭ: jon čatyry razy finišavaŭ u pieršaj šaściorcy. Heta surjoznaje dasiahnieńnie, uličvajučy niabačny psichałahičny cisk: chłopiec zaniaŭ u kamandzie Mercedes miesca lehiendy Ljuisa Chemiłtana, jaki pajšoŭ u Ferrari.
A voś novaziełandziec Liam Łoŭsan atrymaŭ panižeńnie: paśla niekalkich słabych vynikaŭ — 18-ha miesca ŭ Aŭstralii i 16-ha ŭ Kitai — jaho pieraviali z kamandy Red Bull Racing u małodšuju kamandu Racing Bulls, kab dalej nabiraŭsia vopytu.
Kiraŭnik kamandy Red Bull Racing Kryścijan Chornier padkreśliŭ, što ŭ baraćbie za punkty ŭ kamandnym zaliku siezona staŭki zanadta vysokija, kab marnavać čas na toje, kab razvarušvacca.
«Było ciažka bačyć, jak Liam zmahajecca na pieršych dźviuch honkach, — kaža Chornier. — Heta było čysta spartyŭnaje rašeńnie».
Sport — heta vyklik
Praciahłaść karjery chłopcaŭ ciapier budzie zaležać ad taho, nakolki chutka jany adaptujucca da žorstkich patrabavańniaŭ elitnaha aŭtasportu i zmohuć kiravać mašynami, u jakich amal nie treniravalisia.
Reč u tym, što pieradsiezonnyja testy abmiežavanyja ŭsiaho niekalkimi dniami, z-za čaho mnohija pačatkoŭcy praviali ŭ simulatarach udvaja bolš hadzin, čym u realnych aŭto.
Adnak pačatkoŭcam treba budzie dakazać, što jany zdolnyja nie tolki chutka jeździć, ale i vytrymlivać šalony rytm žyćcia: ciapier jany apynulisia ŭ śviecie šmatmiljonnych stavak, pilnaj uvahi publiki i navat zdymak u realici-šoŭ Netflix «Haniać, kab vyžyć».
Im treba nie tolki ŭmieć kiravać mašynaj na chutkaści 320 km/h, ale i padtrymlivać svoj sacyjalny imidž: havaryć na niekalkich movach, vyhladać efiektna na fotasiesijach i aktyŭna vieści sacyjalnyja sietki.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary