Rasijski chołdynh «T-Tiechnołohii» adkryŭ štab-kvateru dla svajho IT-chaba ŭ Minsku — «z adsyłkami da biełaruskich tradycyj i vuličnaj kultury», piša Devby.io.
Płošča ofisa z terasaj składaje 10 tysiač m². Chab raźličany bolš jak na 1000 supracoŭnikaŭ — inžynieraŭ, raspracoŭščykaŭ, analitykaŭ i kiraŭnikoŭ IT-kirunkaŭ. Jon mieścicca ŭ biznes-centry «Praśpiekt» na praśpiekcie Niezaležnaści.
Zamiest «openśpiejsaŭ» — «kabinietny farmat». Zaniravać prastoru možna i z dapamohaj «žyvych» pieraharodak z raślinami. Častka pracoŭnych miescaŭ abstalavanaja padjomnymi stałami dla pracy stojačy.
Na pavierchach raźmieščanyja zony dla naradaŭ, «brejnštorminhaŭ» i adpačynku, pierahavornyja i kavorkinhi sa stałami-transformierami i kavavyja punkty. Jość kuchnia-«hastrazona» sa stałami, kanapami i barnymi stojkami, biblijateka i pakoi dla anłajn-tranślacyj i zapisu padkastaŭ, a taksama terasa ź vidam na park Horkaha.
U afarmleńni vykarystanyja elemienty vuličnaha mastactva «ŭ duchu» vulic Kastryčnickaja i Zybickaja, paznavalnyja dla miascovych nadpisy i «adsyłki da tradycyj».
Jak adznačaje partał vc.ru, «T-Tiechnołohii» raźličvajuć źbirać u novaj štab-kvatery «nie tolki svaich supracoŭnikaŭ, ale i pradstaŭnikoŭ biełaruskaj IT-supolnaści». Dla hetaha buduć pravodzicca halinovyja mierapryjemstvy.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary