U horadzie — šmatlikija vybuchi, a ŭ niebie šmatlikija vajskovyja samaloty i viertaloty.
Nočču 3 studzienia ZŠA nanieśli ŭdar pa stalicy Vieniesueły Karakasie. Papiarednie — byli atakavanyja port i vajskovaja baza.
Na adnym ź videa vidać u niebie ciažkija amierykanskija viertaloty Chinook. Imavierna, ź ich adbyłasia vysadka desantnikaŭ.
Paŭdniovy rajon 3‑miljonnaha horada zastaŭsia biez elektryčnaści.
U amierykanskich vajskovych strukturach pakul admaŭlajucca kamientavać toje, što adbyvajecca. U administracyi Trampa zajavili, što im viadoma pra vybuchi i amierykanskija samaloty ŭ Vieniesuele, ale inšych kamientaroŭ tam nie dali.
Pieršaj aficyjnaj reakcyjaj na padziei ŭ Karakasie staŭ dopis prezidenta Kałumbii Hustava Pietra. Jon asudziŭ napad na Vieniesuełu i zaklikaŭ nieadkładnaj reakcyi mižnarodnych arhanizacyj.
Apieracyja ZŠA adbyvajecca na fonie praciahłaha cisku administracyi Trampa na režym Madury. Amierykanski prezident abvinavačvaŭ kiraŭnika Vieniesueły ŭ narkateraryźmie, patrabavaŭ ad jaho adstaŭki i pahražaŭ naziemnymi ŭdarami. Vyhladaje, ciapier Tramp pierajšoŭ da spravy.
Kamientary
P.S. Zaŭsiody z pahardaj staviŭsia da słenhavaha słova PINDOS, a ciapier užyvaju paŭsiudna.