Unočy ŭ subotu ZŠA atakavali stalicu Vieniesueły Karakas. U administracyi Trampa ŭžo paćvierdzili žurnalistam, što jon asabista daŭ zahad na vajskovuju apieracyju. Voś što viadoma na hety momant.
Dzie Madura — niezrazumieła. Jon choć nibyta i padpisaŭ zahad ab uviadzieńni nadzvyčajnaha stanovišča, ale asabista nie źjaŭlaŭsia ŭ efiry. Vieniesuelskija vajskoŭcy ściahnutyja ŭ vakolicy prezidenckaha pałaca Mirafłores.
Dziaržaŭnaje telebačańnie pracuje ŭ aŭdyjorežymie, dyktarka ŭschvalavanym hołasam začytvaje aficyjnyja kamunikaty z asudžeńniem dziejańniaŭ ZŠA i niekankretnymi zaklikami da supraćstajańnia ahresii.
Avijacyja ZŠA naniesła ŭdary pa stratehičnych abjektach u roznych rehijonach krainy, u tym liku pa budynku parłamienta i porcie Karakasa. Nijakich prykmiet čynnaści vieniesuelskaj supraćpavietranaj abarony niama.
Videa fiksujuć, jak viertaloty ZŠA bieśpieraškodna visiać u niebie nad Karakasam i abstrelvajuć abjekty.
Apieracyju ZŠA ŭ Vieniesuele asudzili susiedniaja Kałumbija, Turcyja, Kuba.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ69
Kamientary