«Napeŭna, tak i naša SVA zadumvałasia». Jak prapahandysty i Z-vajenkary adreahavali na situacyju ŭ Vieniesuele
Pahladzieli, što biełaruskija i rasijskija prapahandysty pišuć pra śpiecapieracyju ZŠA ŭ Vieniesuele.
Ryhor Azaronak u svaim telehram-kanale napisaŭ, što «mahiła Uha Čaviesa haryć, Madura ŭziaty ŭ pałon, iudy atrymali babki, nafta piarojdzie Štatam», a Vieniesueły bolš niama.
«Zdrada vyrašyła zychod spravy», — piša prapahandyst.
Prapahandyst Alaksandr Špakoŭski zaŭvažaje, što apieracyja ZŠA ŭ Vieniesuele pačałasia sinchronna z masavymi biesparadkami ŭ Iranie.
«U Vieniesuele situacyja składanaja. U krainie mahutnaja «piataja kałona». Raźlik vajennaj apieracyi ZŠA zaklučajecca ŭ pravakavańni ŭnutranaha paŭstańnia. Ciaham apošnich miesiacaŭ pieryjadyčna zapuskalisia «kački» pra toje, što lidar Vieniesueły Nikałas Madura źbieh z krainy.
Dalejšaje raźvićcio stanovišča šmat u čym zaležyć ad zdolnaści vieniesuelskich Uzbrojenych Sił akazać aktyŭny supraciŭ ahresaru, hatoŭnaści ŭłady mabilizavać svaich prychilnikaŭ dla abarony dziaržavy, pazicyi asnoŭnych sajuźnikaŭ Karakasa ŭ asobie Rasii i Kitaja, ich rašučaści abaraniać Vieniesuełu», — piša prapahandyst.
Adrazu šerah dopisaŭ, pryśviečanych temie Vieniesueły, źjaviŭsia ŭ kanale «Biełaruski siłavik». Spačatku tam apublikavali žartaŭlivy raskład dnia dla amierykanskich desantnikaŭ pa anałohii z tymi, jakija publikavali rasijskija prapahandysty jašče da poŭnamaštabnaha napadu na Ukrainu, kali zachop Kijeva musiŭ zaniać niekalki hadzin.
«Žart žartam, a prykładna tak usio i vyjšła ŭ Vieniesuele. Pa vyniku spatrebiłasia 2 hadziny, ahientura, prapłočanyja infarmatary, paru nievialikich udaraŭ, uziaćcie nieba pad kantrol i spakojny vyvaz lidara susiedniaj krainy ŭ Štaty. Biez kamientaroŭ, karaciej», — piša «Biełaruski siłavik».
Z-kanał «Dva majory» reposnuŭ sabie hety dopis z nastupnym podpisam:
«Žarty žartami, a apieracyju, bieź lišniaha pijetetu da piendosaŭ, praviali jany piśmienna. Naŭrad ci abyšłosia biez zdradnikaŭ unutry krainy, nie ŭ bunhała ž žyŭ Madura.
Napeŭna, tak i naša SVA zadumvałasia. Chutka, efiektyŭna i vynikova. Naŭrad ci Hierasimaŭ płanavaŭ 4 hady vajavać».
Z-vajenkar «Kotienok» paraŭnoŭvaje dziejańni amierykancaŭ z ruskimi ŭ Hastomieli ŭ pieršyja hadziny paŭnamaštabnaha ŭvarvańnia Rasii va Ukrainu. Praŭda, zabyvajecca pra važny niuans, što «SVA» ciahniecca biez małoha čatyry hady, a ruskija sałdaty adznačylisia paśla jašče i žorstkimi zabojstvami mirnaha nasielnictva.
«Amierykancy ŭ Vieniesuele kapijujuć dziejańni śpiecpadraździaleńniaŭ ruskaj armii ŭ pieršyja hadziny SVA ŭ Hostomieli ŭ 2022 h.
Płacdarm dla pašyreńnia apieracyi stvorany i ŭtrymlivajecca. Praŭda, u adroźnieńnie ad hastomielskoj apieracyi, adčuvalnaha procidziejańnia z boku siłavych sa struktur Balivaryjanskaj Respubliki amierykancy nie atrymlivajuć. Zdrada ci paralič, ci i toje, i inšaje.
Pavodle niekatorych źviestak, Mižnarodny aeraport Karakasa ŭžo znachodzicca pad kantrolem vajskoŭcaŭ ZŠA i hatovy prymać transpartnyja samaloty z technikaj».
Nie šmatsłoŭna, ale krasamoŭna adreahavała na padziei ŭ Vieniesuele prapahandystka Marharyta Simanian.
«Zajzdrościć budziem, tavaryš Bieryja», — napisała jana.
-
Słonimskaja balnica vybačyłasia za mašynu chutkaj dapamohi, što pryjechała na vyklik da invalida
-
U Biełarusi buduć štrafavać za prapahandu homaseksualnych adnosin, biaździetnaści i źmieny połu
-
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?17
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary