Voś jakija madeli aŭtamabilaŭ pierastajuć vypuskać. Troch asabliva škada
Jeŭrapiejski aŭtarynak pieražyvaje adnu z samych radykalnych transfarmacyj u svajoj historyi. Voś asabliva znakavyja straty.
Uzmacnieńnie ekałahičnych normaŭ, pierachod na elektrapryvady i źmiena pryjarytetaŭ spažyŭcoŭ pryviali da taho, što ŭ 2025 hodzie z vytvorčaści byli źniatyja madeli, jakija dziesiacihodździami vyznačali abličča jeŭrapiejskich daroh. Mnohija ź ich zastalisia bieź pierajemnikaŭ, piša AutoSwiat.pl.
Ford Focus: raźvitańnie ź lehiendaj
Heta, badaj, samaja hučnaja strata. U listapadzie 2025 hoda Ford aficyjna spyniŭ vytvorčaść Focus na zavodzie ŭ Saarłui (Hiermanija). Madel, jakaja ŭ 1998 hodzie ździejśniła revalucyju ŭ kampakt-kłasie, idzie na spačyn paśla 27 hadoŭ pośpiechu. Ford vyrašyŭ całkam zasiarodzicca na elektramabilach i krasovierach, pakinuŭšy nišu kłasičnych chetčbekaŭ i ŭniviersałaŭ holf-kłasa pustavać.
Peugeot 508: apošni z mahikan
Nie mienš balučaj dla jeŭrapiejskaha aŭtaamatara stała zaviaršeńnie ŭ 2025 hodzie vytvorčaści Peugeot 508. Jon byŭ śmiełaj i vielmi stylovaj alternatyvaj takim niamieckim aŭto, jak Audi A4 ci BMW 3-sieryi. Adnak popyt na tradycyjnyja siedany i ŭniviersały D-kłasa ŭ Jeŭropie imkliva padaje.
Častkova jaho zamienić Peugeot 408 — na kłas nižejšy, ale pry hetym tolki na 10 sm karaciejšy.
Hyundai i10: tannyja mašyny stanoviacca historyjaj
Hetaj mašyny škada bolš za ŭsio. Siehmient A ŭ Jeŭropie amal miortvy. Praz vysokija patrabavańni da biaśpieki i ekałohii vyrablać maleńkija tannyja mašyny stała niavyhadna. Hyundai i10 — adno z apošnich jakasnych haradskich mikraaŭto — pakidaje rynak u 2025 hodzie. Jaho miesca ŭ liniejcy zajmaje elektryčny Hyundai Inster, ale jon kaštuje značna daražej za svajho bienzinavaha papiarednika.
Chto jašče pakidaje jeŭrapiejskija darohi?
Akramia vyšejzhadanaj trojcy, jeŭrapiejski rynak u 2025 hodzie raźvitaŭsia jašče ź niekalkimi znakavymi madelami.
Kia Ceed
Ceed staŭ pieršaj Kia, raspracavanaj śpiecyjalna dla Jeŭropy. Sama nazva — adsyłka da jeŭrapiejskaj identyčnaści aŭto. Paśla 2018 hoda brend tłumačyŭ sens nazvy jak Community of Europe, with European Design. U 2025 hodzie Kia pačała zhortvać kłasičny Ceed u viersijach chetčbek i ŭniviersał: madel sychodzić z rynku i sastupaje miesca Kia K4, jakaja pavinna stać novym «hałoŭnym kampaktam» brenda ŭ Jeŭropie.
Pry hetym viersija XCeed pakul zastajecca ŭ liniejcy i, pavodle paviedamleńniaŭ, u 2026 hodzie atrymaje abnaŭleńnie, što moža padoŭžyć jaje žyćciovy cykł. Tak ci inakš, era Ceed jak kłasičnaha jeŭrapiejskaha chetčbeka padychodzić da kanca.
Audi A1
Kiraŭnictva Audi aficyjna paćvierdziła: maleńkich madelaŭ bolš nie budzie. Audi A1 zaviaršyŭ svoj šlach u 2025 hodzie. Kampanija vyrašyła zasiarodzicca na bolš darahich i maržynalnych siehmientach.
Ciapier samym tannym Audi stanie krasovier Q2 ci chetčbek A3, a prychilnikam kampaktnych premium-aŭto daviadziecca šukać alternatyvy ŭ inšych brendaŭ.
Volvo V90
Volvo zaŭsiody asacyjavałasia ź vialikimi, biaśpiečnymi ŭniviersałami. Ale ciapier šviedski brend imkliva pieratvarajecca ŭ vytvorcu elektryčnych krasovieraŭ. Vytvorčaść fłahmanskaha ŭniviersała V90 spyniena ŭ kastryčniku 2025 hoda. Heta balučy ŭdar pa fanatach marki: linija vialikich Volvo, što pačałasia 50 hadoŭ tamu z madeli 265, moža abarvacca nazaŭsiody.
Mazda MX-30
U 2025 hodzie jeŭrapiejski rynak pakinuŭ krasovier Mazda MX-30. Razam ź im syšła i ŭnikalnaja technałohija — rotarny ruchavik Vankiela, jaki tolki niadaŭna viarnuŭsia ŭ viersii R-EV paśla doŭhaha pierapynku.
Vytvorčaść madeli MX-30 zaviaršyłasia na miažy 2024 i 2025 hadoŭ, i choć Mazda abiacaje vykarystoŭvać rotar u budučyni, zaraz hety niezvyčajny aŭtamabil zastajecca biez pramoha nastupnika.
Toyota Highlander
Vialiki siamiasabovy SUV ad Toyota byŭ sprobaj pryščapić amierykanskija kaštoŭnaści na jeŭrapiejskaj hlebie. Adnak u Jeŭropie Highlander sutyknuŭsia z žorstkaj kankurencyjaj i ekałahičnymi patrabavańniami. U 2025 hodzie madel pakinuła jeŭrapiejskija šoŭrumy. Rolu fłahmana brenda ciapier budzie vykonvać novy Land Cruiser 250.
Kamientary
Vy choć u kursie, što Jeŭrasajuz admianiŭ zabaronu vypusku aŭtamabilaŭ z ruchavikami na palivie ŭ 2035-m hodzie? Paharačylisia )
EV nie zmohuć zamianić "zvyčajnyja" aŭto na 100% [nikoli]
+ kali ŭličyć poŭny cykł vytvorčaści-ekspłuatacyi-utylizacyi EV, to aŭto na palivie akazvajucca ci nie ŭdvaja "zielaniejšymi"
300 km projezžajut dažie biudžietnyje avto.
sriednij siehmient - 400.
priemium - 500.
jeŝie 2-3 hoda i vsie cifry pribaviat po 100 km minimum. a čieriez 5 i po 200.
dažie u nas zariadok UŽIE chvatajet, čtoby odin raz popiv kofie minut 30-40, projechať vsiu stranu v lubom napravlenii s odnoj podzariadkoj.
otkuda vy takije bierietieś-to? mientalno zastriavšije v koncie 10-ch.
[Zredahavana]