Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША
Пра першыя дні Юрася Зянковіча пасля вяртання ў Тэхас «Нашай Ніве» распавяла яго жонка Алена Дзенісавец.
«Урад ЗША мае спецыяльную праграму рэабілітацыі. Яна ўключае медыцынскае абследаванне, псіхалагічную дапамогу, дапамогу з уладкаваннем на працу, падтрымку сям’і і гэтак далей. Усе людзі, каго ўрад ЗША вызваляе з палону, праходзяць яе. І потым іх яшчэ падтрымліваюць некалькі гадоў. Вось Юрась цяпер удзельнічае ў такой праграме», — расказвае яна.
Па словах Алены, Зянковіч ужо паспеў прайсці поўны медыцынскі агляд — і са здароўем у яго ўсё добра. Але ж яму патрэбны некаторы час, каб прыйсці ў сябе.
Нагадаем, напрыканцы красавіка дзяржсакратар ЗША Марка Рубіа паведаміў пра вызваленне з лукашэнкаўскай турмы палітвязня Юрася Зянковіча (акрамя беларускага грамадзянства, той меў і амерыканскае). У хуткім часе пасля гэтага стала вядома, што мужчына выехаў у Літву разам з намеснікам памочніка дзяржсакратара ЗША Крысам Смітам. Пасля Зянковіч накіраваўся да жонкі ў Тэхас.
Юрась Зянковіч знаходзіўся за кратамі з вясны 2021 года, калі быў арыштаваны ў Маскве за ўдзел у віртуальнай спробе «дзяржаўнага перавароту». У выніку ў Беларусі яму прысудзілі 11 гадоў зняволення, але потым тэрмін павялічылі да 13,5 гадоў.
Амерыканцы дабіліся вызвалення Юрыя Зянковіча. Ён быў прысуджаны да 13,5 года зняволення
Як выглядае 46-гадовы юрыст Юрась Зянковіч праз тры з паловай гады зняволення ў беларускай турме
БТ паказала Зянковіча, каб той звярнуўся да Трампа і Харыс з просьбай забраць яго
Юрыя Зянковіча, які быў асуджаны па справе аб «дзяржперавароце», змяшчалі ў ШІЗА, ён абвяшчаў галадоўку
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары