Pucin nazvaŭ prydurkami lidaraŭ krain, jakija ŭvodziać sankcyi suprać Rasii
Na sustrečy ź biznesmienami Pucin zaklikaŭ ich nie bajacca sankcyj.
Uładzimir Pucin nazvaŭ prydurkami lidaraŭ krain, jakija ŭvodziać sankcyi suprać Rasii.
Rasijski prezident dazvoliŭ sabie takoje vykazvańnie na sustrečy z kiraŭnikami «Dziełavoj Rasii» — abjadnańnia biznesmienaŭ.
Pucin zaklikaŭ ich nie bajacca sankcyj, bo toj, chto «pačynaje bajacca, adrazu ŭsio stracić».
«Ale razumieć, što moža adbyvacca, abaviazkova treba. Być hatovymi da lubych dziejańniaŭ našych mahčymych budučych niadobrazyčliŭcaŭ. Jany na škodu sabie ž robiać mnohija rečy. Zdajecca ž, što taho-inšaha nie buduć rabić dakładna, bo heta im škodzić. Ale robiać ža, prydurki. Oj, vybačajcie, kali łaska», — skazaŭ Pucin.
Jon taksama vykazaŭsia nakont mahčymaha viartańnia zachodnich kampanij u Rasiju. Pucin zajaviŭ, što prabačeńniaŭ ad ich jamu budzie niedastatkova, a rašeńni ab dopusku zachodniaha biznesu jon budzie prymać prahmatyčna.
Kamientary