Siejm Litvy robić bolš strohaj adkaznaść za parušeńnie mižnarodnych sankcyj
Siejm Litvy pašyryŭ kryminalnuju i administracyjnuju adkaznaść za lubyja parušeńni abo abychod mižnarodnych sankcyj. 15 maja parłamient 87 hałasami ŭchvaliŭ papraŭki da zakona ab mižnarodnych sankcyjach, zhodna ź jakimi supraćpraŭnymi pavodzinami budzie pryznavacca i parušeńnie, ździejśnienaje pa nieaściarožnaści.
Papraŭki taksama ŭdakładniajuć, jakija dziejańni niedapuščalnyja ŭ vypadku zamarožvańnia ekanamičnych resursaŭ, i tłumačać paniaćcie «zamarožvańnie srodkaŭ».
Parušeńniem mižnarodnych sankcyj buduć ličycca niezakonnyja pavodziny, jakija parušajuć dziejnyja ŭ Litvie mižnarodnyja sankcyi. Da takich parušeńniaŭ adnosiacca, naprykład, nadańnie dostupu da srodkaŭ abo ekanamičnych resursaŭ asobam, jakija znachodziacca pad sankcyjami, niezamarožanaja majomaść, akazańnie pasłuh i inšaje.
Za rasparadžeńnie abmiežavanymi aktyvami i akazańnie zabaronienych pasłuh budzie pahražać da piaci hadoŭ pazbaŭleńnia voli.
Akramia taho, unosiacca pałažeńni ab śpiecyjalnaj abaronie dla infarmataraŭ, jakija paviedamlajuć pra parušeńni mižnarodnych sankcyj.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary