Сейм Літвы робіць больш строгай адказнасць за парушэнне міжнародных санкцый
Сейм Літвы пашырыў крымінальную і адміністрацыйную адказнасць за любыя парушэнні або абыход міжнародных санкцый. 15 мая парламент 87 галасамі ўхваліў папраўкі да закона аб міжнародных санкцыях, згодна з якімі супрацьпраўнымі паводзінамі будзе прызнавацца і парушэнне, здзейсненае па неасцярожнасці.
Папраўкі таксама ўдакладняюць, якія дзеянні недапушчальныя ў выпадку замарожвання эканамічных рэсурсаў, і тлумачаць паняцце «замарожванне сродкаў».
Парушэннем міжнародных санкцый будуць лічыцца незаконныя паводзіны, якія парушаюць дзейныя ў Літве міжнародныя санкцыі. Да такіх парушэнняў адносяцца, напрыклад, наданне доступу да сродкаў або эканамічных рэсурсаў асобам, якія знаходзяцца пад санкцыямі, незамарожаная маёмасць, аказанне паслуг і іншае.
За распараджэнне абмежаванымі актывамі і аказанне забароненых паслуг будзе пагражаць да пяці гадоў пазбаўлення волі.
Акрамя таго, уносяцца палажэнні аб спецыяльнай абароне для інфарматараў, якія паведамляюць пра парушэнні міжнародных санкцый.
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары