Aukcyjonnyja damy Sotheby’s i Christie’s na hetym tydni praviali viačernija tarhi sučasnym mastactvam. Siarod łotaŭ byli i karciny Marka Šahała. Adna z prac znajšła novaha ŭładalnika amal za $3,5 młn, piša OL sa spasyłkaj na sajt Christie’s.
Mark Šahał napisaŭ «Radaść cyrka» ŭ 1983 hodzie, kali žyŭ u francuzskaj kamunie Sien-Pol-de-Vans na Błakitnym bierazie. Mastak časta pisaŭ karciny, pryśviečanyja cyrku, bo vielmi jaho lubiŭ.
Šahał nieadnarazova ŭspaminaŭ, jak naviedvaŭ hastralujučyja cyrkavyja trupy ŭ horadzie svajho dziacinstva — Viciebsku.
Šahał pačaŭ pracavać nad hetaj karcinaj, kali jamu było bolš za 90 hadoŭ. Rabota «Radaść cyrka» pieradaje ŭsie klučavyja ŭspaminy mastaka pra cyrk, u tym liku pra harady, ź jakimi ŭ jaho źviazany samyja ciopłyja ŭspaminy. Tak, na levaj častcy pałatna namalavany načny Paryž i jaho simvał — Ejfeleva vieža, a na pravaj — terakotavyja dachi Viciebska.
Aukcyjonny dom acaniŭ karcinu «Radaść cyrka» pamieram 80,8 na 115,7 sm u $1,8—2,5 młn. Novy ž uładalnik zapłaciŭ za jaje $3,43 młn.
Taksama padčas hetych tarhoŭ z małatka pajšła karcina «Mora». Mastak napisaŭ jaje ŭ 1945 hodzie, praz hod paśla śmierci svajoj pieršaj žonki Beły. Rabota ličycca adnoj z najvialikšych odaŭ mastaka ŭ jaje honar.
U svaich uspaminach Beła Rozenfield pisała, što sini byŭ pieršym koleram, jaki jana ŭbačyła ŭ momant sustrečy z mastakom, bo ŭ Šahała byli vočy hetaha koleru. U sinim Šahał i napisaŭ jaje vobraz z velumam i viasielnym bukietam u centry pracy.
Pa acenkach Christie's, rabota pamieram 56,1 na 45,9 sm kaštavała ad $800 tys. da $1,2 młn. Ale ŭ vyniku jaje pradali za $945 tys.
Samaj darahoj pracaj Marka Šahała na viačernim aŭkcyjonie sučasnaha mastactva ad Sotheby's stała karcina «Bau de Sien-Žanie». Tak nazyvajecca adnajmiennaja hara ŭ Sien-Pol-de-Vansie. Mastak napisaŭ hetu pracu ŭ 1969 hodzie.
Na hetaj karcinie Mark Šahał u vobrazie hary adlustravaŭ siabie i svaju druhuju žonku Vavu Brodskuju. Pracu pamieram 125 na 113 sm aceńvali ŭ $1,2—1,8 młn, a pradali za $2,18 młn.
Druhoj pa košcie pracaj viciebskaha mastaka na viačernim aŭkcyjonie ad Sotheby's stała napisanaja ŭ 1982—1983 hadach karcina «Sonca i čyrvony asioł». Jana pieradaje emocyi Šahała ad žyćcia na poŭdni Francyi. Pracu pamieram 81 na 60 sm aceńvali ŭ $600—800 tys., a pradali za $1,11 młn.
Anžaliku Mielnikavu bačyli ŭ Minsku ŭ «Dana Mole»53
Kamientary
no objektivno hovoria - vsie eto tak i ostałoś maźniej, na kotoruju vsiehda najdietsia bohatyj idiot.