«Mianie kałaciła, ciakli ślozy». Samalot «Biełavija», jaki lacieŭ z Bresta ŭ Antalju, pryjšłosia raźviarnuć nad Rasijaj
U paniadziełak, 12 maja, «Biełavija» pačała siezon palotaŭ u tureckuju Antalju z Bresta. Ale pasažyram pryjšłosia pachvalavacca — pasiarod darohi, kali pavietranaje sudna pralatała nad Rasijaj, jaho raźviarnuli nazad. Pra heta ŭ instahramie raskazała błohierka Kryścina Abubakirava, piša «Lusterka».
Jak piša Kryścina ŭ storys, samalot pamianiaŭ kurs prykładna za try hadziny da pryziamleńnia ŭ Turcyi:
«Piłot u mikrafon kaža: naš samalot razvaročvajecca z techničnych pryčyn i lacić u Minsk. Praź dźvie hadziny budziem u Minsku».
Nijakaj dadatkovaj infarmacyi pasažyram nie dali. Pa słovach błohierki, «spałochalisia ŭsie». A tyja, chto časta lotaje, kazali, što «takoje ŭpieršyniu».
«I jak by ja ni sprabavała siabie supakoić, mianie kałaciła, ciakli ślozy, — raspaviadała Kryścina. — U dumkach užo raźvitvałasia sa svajoj siamjoj. Heta strašna, u hałavie navat uspłyvała karcinka mohiłak. Ale ja realna starałasia trymać siabie ŭ rukach i kantralavać svaje dumki. Prosta situacyja — p**dziec».
U Turcyju biełaruska lacieła razam z dvuma dziećmi i mužam. Pryznajecca, što supakoiłasia paśla taho, jak uziała małodšaje dzicia na ruki. Dapamoh i muž, jaki «nie razvodzić paniki».
Pa słovach Kryściny, kali jana źviarnułasia z pytańniami da ściuardesy, taja zapeŭniła, što pieražyvać niama z-za čaho i što «kali b było niešta strašnaje, vy b pra heta viedali, i my b z vami ŭžo rychtavalisia».
U vyniku da taho času, jak samalot pavinien byŭ sieści ŭ Antalji (heta značyć kala 20.00), jon pryziamliŭsia ŭ Minsku. Usio prajšło dobra, tłumačyć žančyna, ale adznačaje, što pry pasadcy mocna zakłała vušy — nie «jak zvyčajna».
Praz paŭtary hadziny pasažyraŭ pakarmili, a novy samalot dali da hadziny nočy. Prablem z čakańniem nie ŭźnikła: małodšaje dzicia zasnuła, starejšaja dačka hulała ź inšymi dziećmi.
«Ale kali ja daviedałasia pryčynu, praź jakuju nas viarnuli, ja a**ieła, nie toje słova, — praciahvaje raskaz Kryścina. — U našym samalocie tresnuła łabavoje škło, tam, dzie siadzić piłot. Vy prosta ŭjavicie, situacyja 50/50, jano ž mahło ŭzarvacca!»
Praŭda, u pramym sensie ŭzarvacca škło nie moža, ale hłybokija raskoliny ŭ im sapraŭdy mohuć spryčynicca da razhiermietyzacyi sudna. Praŭda, čaściej za ŭsio treskajecca adzin z płastoŭ škła, padobnyja vypadki ŭžo adbyvalisia ź biełaruskimi samalotami.
Naprykład, u listapadzie 2022 hoda tresnuła škło samalota Boeing 737-800, jaki lacieŭ ź Minska ŭ Šardžu (horad u Abjadnanych Arabskich Emiratach). Tady «Biełavija» zajaŭlała, što raskoliny «ŭźnikajuć vypadkovym čynam i nie mohuć być sprahnazavanyja avijakampanijaj», a pryčyna zvyčajna ŭ «stomlenasnaj napruzie» škła.
«Rastreskvańnie pokryŭnaha płasta łabavoha škła kabiny piłotaŭ biez paškodžańnia siłavych elemientaŭ nie ŭpłyvaje na biaśpieku palotu», — paviedamlała tady kampanija.
Što kažuć u «Biełavija»?
Kab daviedacca detali, žurnalistka «Lusterka» patelefanavała ŭ daviedačnuju «Biełavija». Tam situacyju prakamientavać nie zmahli. Sa słoŭ supracoŭnicy, u jaje jość infarmacyja tolki za siońniašni dzień.
U pryjomnaj hiendyrektara kampanii taksama raskazali, što pra padobnaje nie čuli. Pry hetym pra rastreskvańnie łabavoha škła samalota «Biełavija», jaki lacieŭ 12 maja z Bresta ŭ Antalju, paviedamiŭ telehram-kanał Aviaincident.
Infarmacyju pra heta aŭtary kanała, pa ŭsioj bačnaści, atrymali ad pradstaŭnikoŭ Rastoŭskaj zony adzinaj sistemy arhanizacyi pavietranaha ruchu Rasii (ES OrVD). Tam, u svaju čarhu, daviedalisia pra zdareńnie pa pošcie ad dyśpietčara z centra płanavańnia i kaardynavańnia Rastoŭskaha zanalnaha centra.
Zhodna z hetaj infarmacyjaj, 12 maja ŭ 16.48 bort «Biełavija» dałažyŭ ab raskolinie na łabavym škle z unutranaha boku ŭ druhoha piłota i zapytaŭ źnižeńnie. U vyniku sudna viarnułasia ŭ Biełaruś i pryziamliłasia ŭ Minsku.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond18
Kamientary