«Kupałaŭcy» anansavali apošniuju ŭ siezonie premjeru — raskazvajem, pra što budzie novy śpiektakl «Valizka»
«Volnyja Kupałaŭcy» anansavali premjeru, apošniuju ŭ hetym siezonie: 24-26 červienia ŭ Varšavie prezientujuć śpiektakl «Valizka» ŭ režysury Alaksandra Harcujeva — «pra siońniašniaje naviaźlivaje pradčuvańnie vajny, adčuvańnie adkaznaści pierad Radzimaj i hodnaść».
Hałoŭnuju rolu ŭ im syhraje Alaksandr Kazieła. Taksama ŭ śpiektakli zaniatyja Zoja Biełachvościk, Andrej Drobyš, Valancina Harcujeva i Źmicier Jesianievič
Z apisańnia siužeta: «Časam kožnamu z nas chočacca vycisnuć z pamiaci ciažkija momanty, žachlivyja ŭspaminy, vykinuć ich u śmietnik i raźvitacca nazaŭsiody. Ci mahčyma heta i ci varta? Ci ž nie minułaje vyznačaje čałavieka? Fransua Žako mieŭ pałovu serca, adno lohkaje, adno voka. Jon ciažka dychaŭ i nie mieŭ apory ŭ žyćci. Fransua zdavałasia, što jaho naohuł nie isnuje. Ale adnojčy jon vypraviŭsia ŭ muziej katastrofy, kab adšukać adkazy i zrabić niečakanaje adkryćcio».
Śpiektakl «Valizka» pa tvory polskaj scenarystki i dramaturha Małhažaty Sikorskaj-Miščuk akciory pačali repietavać u pačatku maja. Materyjał budzie blizki kožnamu biełarusu. Heta, pa słovach členaŭ kamandy, hałoŭnaje praviła dla ich u vybary novych krynic dla pačatku pracy.
«Było niejak skazana, što heta pjesa-lekavańnie. I ja absalutna zhodnaja z hetymi słovami. Dla mianie sam śpiektakl jašče i pra pryniaćcie. Zdajecca, bolšaści biełarusaŭ choć raz na momant chaciełasia vycisnuć z pamiaci niehatyŭnyja ŭspaminy, naš kalektyŭny žachlivy dośvied.
Ale ž z bahažu takoha dośviedu vyznačajecca čałaviek, i śpiektakl dla mianie mienavita pra heta — jak nie zhubić svajoj častki, svajoj asoby ŭ pracesie pošuku lepšaha žyćcia, lohkaha i spakojnaha. Jak pryniać navat toje, kudy my baimsia hladzieć», — raspaviała «Našaj Nivie» aktrysa Valancina Harcujeva, jakaja vykonvaje ŭ śpiektakli rolu Žaklin.
Žaklin tut, jak i inšyja hieroi, buduć nakiroŭvać hałoŭnaha piersanaža — Fransua Žako, samotnaha, zhublenaha, nibyta bieź minułaha i budučyni. Prymušać jaho pahladzieć u toj bok, kudy strašna ŭziracca.
Śpiektakl abiacaje być «dynamičnym, ź cikavym rakursam» i «biez šokaterapii».
«U adroźnieńnie ad śpiektakla «Ekstremisty», naprykład, u jakim ja nie ŭdzielničaju, ale liču jaho vielmi važnym i nieabchodnym dla «Kupałaŭcaŭ» i našych hledačoŭ, tut nie budzie stolki balučych dla biełarusaŭ kropak», — kamientuje Valancina Harcujeva, dadajučy, što dla jaje asablivaje ščaście znoŭ hrać na adnoj scenie sa Źmitrom Jesianievičam, jaki kančatkova źjechaŭ ź Biełarusi letam 2024-ha paśla sutak na Akreścina.
«Dzima raniej nie ŭdzielničaŭ u našych śpiektaklach [za miažoj]. I voś hety momant nadyšoŭ, ja vielmi ščaślivaja ŭvachodzić ź im u premjeru razam. Tym bolš Dzima pryŭnosić novy podych u naš nianovy kalektyŭ».
Premjeru «Valizki» pakažuć 24, 25 i 26 červienia na Scena Przodownik u Varšavie. Kvitki možna nabyć pa spasyłcy. Płanujecca, što teatralny siezon «Kupałaŭcy» skončać u lipieni i adpraviacca ŭ adpačynak, jaki praciahniecca da vieraśnia.
«Naša Niva» — bastyjon biełaruščyny
PADTRYMAĆ«Čaho vam nie chapała? Žyvi — nie chaču!» Pahladzieli «Ekstremisty» — novy śpiektakl «Kupałaŭcaŭ»
«Čynoŭniki»-kupałaŭcy stančyli pad «Sihma boj» i skaryli sacsietki
Pabyvali na premjery śpiektakla «Orden biełaj myšy», dzie antyŭtopija Arłova pieraplałasia z realnaściu
«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary