Свет 5 5

Nashaniva.com

17.05.2025 / 18:57

Пілот Lufthansa страціў прытомнасць у паветры. Самалёт 10 хвілін ляцеў без кіравання

Падчас рэйса авіякампаніі Lufthansa з Франкфурта ў Севілью самалёт Airbus A321 каля дзесяці хвілін ляцеў без дзеяздольнага пілота. Як вынікае з апублікаванай справаздачы іспанскай камісіі па расследаванні авіяцыйных здарэнняў, інцыдэнт здарыўся 17 лютага 2024 года на вышыні 10 700 метраў, піша Bild.

Капітан самалёта пакінуў кабіну для наведвання туалета, пасля чаго другі пілот раптам страціў прытомнасць — як мяркуецца, у выніку прыступу. Аўтапілот працягваў утрымліваць курс, але з-за становішча цела пілота, які знаходзіўся без прытомнасці, самалёт трохі адхіліўся ад курсу.

Спробы капітана вярнуцца ў кабіну не мелі поспеху: дзверы заблакаваліся, а ўваходны код не спрацаваў, бо другі пілот не мог пацвердзіць доступ.

Праз восем хвілін другі пілот апрытомнеў і адчыніў дзверы ўручную. Капітан неадкладна прыняў кіраванне і вырашыў здзейсніць экстранную пасадку ў Мадрыдзе, паколькі яго калега быў «бледны, пацеў і паводзіў сябе дзіўна».

Ужо ў аэрапорце пацярпелым заняліся лекары. У справаздачы гаворыцца, што прычынай страты прытомнасці стала раней не дыягнаставаная неўралагічная хвароба.

Чытайце яшчэ

Каментары5

Žvir

17.05.2025

Барадзед, dy ladna, što vy takoje kažacie. Dastatkova ŭstaliavać u prybiraļni šturval, i ŭsiaho dzialoŭ.
Найперш не галасі!

17.05.2025

Сучасны самалёт можа ісці цалкам на аўтапілоце і зрабіць пасадку цалкам на аўтапілоце.
Нават больш, аўтапілот мяняе ці ігнаруе кіраванне пілота, калі камп'ютар вырашыць, што пілот памыляецца. І камп'ютар нават сам перадасць кіраванне іншаму камп'ютару, калі засумняваецца ў правільнасці сваіх жа рашэнняў. Менавіта таму авіятранспарт самы бяспечны транспарт.
Па-сутнасці сучасны пілот кіруе не самалётам, а толькі дае каманды камп'ютару (аўтапілоту), які ўжо сам кіруе самалётам.
Сучасныя самалёты гадзінамі ідуць без ўдзелу пілотаў, самі заходзяць на пасадку і садзяцца.
Тым больш airbus, які флагман такіх распрацовак.
Найперш не галасі!

17.05.2025

Заўважце, як пададзена прычына экстранай пасадкі - клопат пра хворага чалавека на борце. І толькі. Праблема з чалавекам, з недаабследаваным пілотам.

Цяпер чытаюць

Восем азіяцкіх соусаў, якія варта мець на кухні

У Мінску адбылася аварыя з удзелам трох машын ВІДЭА1 1

19-гадовы масквіч на BMW ліхачыў у дажджлівым Мінску і ўляцеў у слуп ВІДЭА2 2

Пайшоў у банкруцтва рэстаран, які належаў сям'і Зінгмана. Даўгоў больш чым на мільён даляраў, а маёмасці на 389 рублёў2 2

Амерыканскі «Форбс» выйшаў з беларусам на вокладцы4 4

Штадлераўскія цягнікі зноў вымушана мяняюць на савецкія7 7