Bijołah rastłumačyła, jak pravilna vybrać i apracavać suchafrukty
Zvyčajny pierakus suchafruktami moža abiarnucca surjoznymi prablemami sa zdaroŭjem. Pra heta zajaviła staršy vykładčyk kafiedry bijatechnałohii i pramysłovaj farmacyi Rasijskaha technałahičnaha ŭniviersiteta MIREA Maryja Załatarova.
Pavodle jaje słoŭ, u pracesie transparciroŭki i zachavańnia suchafrukty mohuć zabrudzicca. Akramia taho, na pavierchni praduktaŭ mohuć zastacca reštkavyja piestycydy, jakija vykarystoŭvalisia pry vyroščvańni pładovych raślin, piša «Minskaja Praŭda».
«Dla zachavańnia tavarnaha vidu pradukcyi dazvolena apracoŭvać razynki i inšyja suchafrukty siarnistym anhidrydam — E220. Pry parušeńni ŭmoŭ zachoŭvańnia ŭ pradukcie mohuć raźvivacca pleśnievyje hryby i nazapašvacca ich taksiny, jakija zdolnyja vyklikać atručvańni. Nie varta zabyvać i pra toje, što zvyčajnyja miechaničnyja zabrudžvańni taksama niepaźbiežna nazapašvajucca na pavierchni suchafruktaŭ pry adkrytym prodažy», — patłumačyła ekśpiert.
Kab nie atrucicca, varta ŭvažliva aceńvać źniešni vyhlad suchafruktaŭ. Maryja Załatarova patłumačyła, što naturalnyja i nieapracavanyja pradukty majuć matavuju pavierchniu i naturalnyja adcieńni. Kali suchafrukty majuć dziŭny koler ci hlancavy blask, to, chutčej za ŭsio, jany padvierhlisia chimičnaj apracoŭcy dla palapšeńnia tavarnaha vyhladu.
Pierad užyvańniem suchafrukty nieabchodna zamačyć u chałodnaj vadzie na 15—30 chvilin, što dapamoža ačyścić pavierchniu pładoŭ ad zabrudžvańniaŭ. Dalej nieabchodna staranna pramyć pradukty pad pratočnaj vadoj i ŭ zaviaršeńnie spałasnuć kipiačonaj vadoj.
«U vypadkach mocnaha zabrudžvańnia možna vykarystoŭvać słaby sodavy rastvor — pałova čajnaj łyžki na litr vady — z abaviazkovym nastupnym dbajnym pramyvańniem», — skłała bijołah.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary