Pra pavyšeńnie cenaŭ na niekatoryja miedpreparaty ajčynnaj vytvorčaści havorycca ŭ pastanovie Ministerstva achovy zdaroŭja, apublikavanaj na Nacyjanalnym pravavym internet-partale.
Dakumient pavyšaje adpusknyja ceny na dziasiatki vidaŭ lekaŭ. U siarednim cana vyrasła na 4,8%.
Tak, naprykład, łapieramid padaražeŭ z 0,68 da 0,71 rubla, kalcyja hlukanat — z 1,10 da 1,15 rubla, falijnaja kisłata — z 0,62 da 0,65 rubla, aminafilin (injekcyi) — z 2,47 da 2,59 rubla, łaratadzin — z 0,47 da 0,49 rubla, piłakarpin (rastvor) — z 2,50 da 2,62 rubla, natryja hidrakarbanat (butelka) — z 1,24 da 1,30 rubla, marfin — z 6,22 da 6,52 rubla, fientanił — z 6,66 da 6,98 rubla, hałapierydoł — z 4,14 da 4,34 rubla, natryja hidrakarbanat (va ŭpakoŭcy № 24) — z 29,76 da 31,19 rubla, natryja hidrakarbanat (va ŭpakoŭcy № 20) — z 24,80 da 25,99 rubla.
Pastanova ŭstupiła ŭ siłu paśla aficyjnaha apublikavańnia.
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary