Stała viadoma, što moža ŭvajści ŭ 18-y jeŭrapiejski pakiet sankcyj suprać Rasii
Jeŭrapiejski sajuz rychtuje novy, užo 18-y pakiet sankcyj suprać Rasii. Ahienctva Bloomberg praz svaje krynicy daviedałasia, što ŭ jaho moža ŭvajści.
Pavodle źviestak žurnalistaŭ, ES razhladaje mahčymaść adklučyć bolš za 20 rasijskich bankaŭ ad sistemy SWIFT, panizić cenavy limit na rasijskuju naftu da kala $45 za barel (ciapier — $60), a taksama zabaranić hazapravody «Paŭnočny patok», kab jašče macniej abmiežavać ekanamičnyja mahčymaści Rasii.
Taksama płanujecca ŭviadzieńnie novych finansavych i handlovych abmiežavańniaŭ na sumu kala 2,5 miljarda jeŭra. Meta — źmienšyć dachody Rasii i pieraškodzić joj atrymlivać technałohii, nieabchodnyja dla vytvorčaści zbroi.
Akramia hetaha, u sankcyjny pakiet mohuć uvajści miery suprać tak zvanaha «cieniavoha fłotu» rasijskich tankieraŭ i bankaŭ, što padtrymlivajuć vajnu, a taksama suprać Rasijskaha fondu pramych inviestycyj.
ES taksama choča abaranić jeŭrapiejskija kampanii ad mahčymych sudovych pazovaŭ u ramkach dvuchbakovych inviestycyjnych damovaŭ.
Jak piša ahienctva, klučavym momantam u novym pakiecie źjaŭlajecca namier ES uvieści sankcyi suprać hazapravodaŭ «Paŭnočny patok». Sankcyi dadatkova paćvierdziać pazicyju Jeŭropy ab niežadańni adnaŭleńnia pastavak rasijskaha trubapravodnaha hazu.
Kančatkovaje rašeńnie budzie pryniata paśla kansultacyj z krainami-členami ES.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ29
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary