U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
Padčas sustrečy z pracoŭnym kalektyvam pradpryjemstva «VIEŁPAK-Kobryn» namieśnica hałoŭnaha ŭrača Kobrynskaj CRB Ałła Vołataŭskaja zajaviła, što ŭstanoŭka aparata MRT u Kobrynie pakul nie płanujecca. Pa jaje słovach, metazhodniej nakiroŭvać ludziej u bresckija ci baranavickija centry, dzie ŭžo jość takija aparaty, piša BG.Media.
Doktarka patłumačyła heta tym, što za hod u rajonie pravodzicca tolki kala 600 takich daśledavańniaŭ, i heta niedastatkova dla apraŭdańnia zakupki i ŭtrymańnia aparata.
Adnak žychary Kobryna sustreli hetaje tłumačeńnie skieptyčna. Jany adznačajuć, što čakańnie biaspłatnaha MRT doŭžycca 2-3 miesiacy, a pry padazreńni na ankałohiju — da 45 dzion. Ludzi skardziacca, što za hety čas chvaroba moža značna pahoršycca.
Niekatoryja raskazvajuć, što vymušanyja źviartacca ŭ płatnyja kliniki, bo stolki čakać niama mahčymaści.
U internecie karystalniki krytykujuć rašeńnie nie ŭstaloŭvać MRT u horadzie, adznačajučy, što rańniaja dyjahnostyka žyćciova važnaja, asabliva pry surjoznych zachvorvańniach, i što 80 tysiač nasielnictva rajona zasłuhoŭvajuć dostupu da takoj techniki.
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary