Cichanoŭskaja padtrymała pazicyju Zialenskaha ab niemahčymaści praviadzieńnia pieramoŭ u Minsku
Biełaruskaja demakratyčnaja lidarka Śviatłana Cichanoŭskaja vykazałasia adnosna prapanovy praviadzieńnia rasijska-ŭkrainskich mirnych pieramoŭ u Minsku, staŭšy ŭ hetym pytańni adnaznačna na bok prezidenta Ukrainy Uładzimira Zialenskaha, jaki kateharyčna admaŭlaje takuju mahčymaść.
«Prezident Ukrainy Uładzimir Zialenski maje racyju, adkinuŭšy prapanovu Rasii ab praviadzieńni mirnych pieramoŭ u Biełarusi. Łukašenka nie źjaŭlajecca niejtralnym aktaram — jon suahresar u pucinskaj vajnie. Heta nie vola biełarusaŭ. My padtrymlivajem Ukrainu i zmahajemsia za svabodnuju, mirnuju i demakratyčnuju Biełaruś», — napisała Cichanoŭskaja ŭ sacsietcy X.
Uładzimir Zialenski raniej vykazaŭsia z hetaj nahody tak:
«Heta niesurjozna. Biełaruś dla nas na siońnia źjaŭlajecca krainaj, ź jakoj palacieli rakiety, i, adpaviedna, jana źjaŭlajecca sajuźnikam krainy, jakaja na nas napała. I vojski zachodzili ź Biełarusi. Heta prosta niemahčyma ŭ dačynieńni da Biełarusi».
Kamientary