Pierad handlovym centram Galleria Minsk sabralisia tysiačy amataraŭ rovaraŭ, kab pryniać udzieł u vialikim zajeździe pa maršrucie: Pałac sportu — «Minsk-Arena» — Pałac sportu, piša BiełTA.
Jak raskazaŭ dyrektar viełakłuba «Minsk» Alaksiej Ivanoŭ, mierapryjemstva składajecca z troch častak:
- dziciačyja spabornictvy «Pieršy rovar», u jakich udzielničajuć bolš za 800 dziaciej va ŭzroście ad 2,5 da 12 hadoŭ;
- asnoŭny viełaparad;
- konkursy i zabaŭlalnaja prahrama.
Pa słovach Ivanova, na siońnia zarehistravałasia kala 4,5 tysiačy ŭdzielnikaŭ, jašče kala 2 tysiač — ad rajonaŭ. Ale dałučycca da zajezdu moža luby achvotny, navat biez rehistracyi. Usiaho čakajecca bolš za 10 tysiač udzielnikaŭ.
Da pačatku asnoŭnaha zajezdu haściej čakali roznyja čelendžy, majstar-kłasy, dziciačyja placoŭki i fud-kort. Taksama možna było pryniać udzieł u konkursach: «ViełaŁedzi», «ViełaSiamja», «ViełaKamanda», «ViełaKids» (dla dziaciej 3—12 hadoŭ) i «KaKaścium» (ubrańnie na temu ježy).
Paśla viełaparadu kala Pałaca sportu adbudziecca śviatočny kancert z udziełam zorak biełaruskaj i rasijskaj estrady: Rusłana Alachno, Stasa Pjechi, Dzianisa Klaviera i hurta RAZGAR.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary