«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu
Valancina Votčyk viała aktyŭny ład žyćcia, pracavała fitnes-trenierkaj i nie skardziłasia na zdaroŭje, ale letam 2023 hoda adčuła siabie drenna. Stan tolki paharšaŭsia, i siońnia dziaŭčyna ź ciažkaściu moža chadzić, pravodziačy žyćcio ŭ čatyroch ścienkach. «Ja adčuvaju piakielny bol, jaki prajmaje ŭsio cieła. Za paŭtara hoda sa spartyŭnaj dziaŭčyny ja pieratvaryłasia ŭ invalida. Ad suicydu mianie spyniaje tolki dumka pra maci, jakaja mnie dapamahaje». Pry hetym daktary dahetul nie mohuć dać dakładny adkaz, što ž kankretna adbyvajecca ź dziaŭčynaj.
U svaim błohu Valancina padrabiazna dzielicca vopytam na šlachu da vyzdaraŭleńnia, jaki pieratvaryŭsia ŭ sapraŭdnaje rasśledavańnie i zmahańnie.
Na momant prajaŭleńnia pieršych simptomaŭ chvaroby Valancina žyła na Bali. «Usio pačałosia ź lohkaha dyskamfortu ŭ pajaśnicy, słabaści, hałaŭnoha bolu, pastajannaha pacieńnia pa načach i zakładzienaha nosa».
Dziaŭčyna kaža, što na vostravie vielmi časta chvareła: kožnyja try miesiacy jaje adolvała to VRVI, to kišečnyja infiekcyi, ale da daktaroŭ jana amal nie źviartałasia, tolki adzin raz prapiła antybijotyki.
Užo pad kaniec 2023 hoda ŭ Valanciny zusim nie dychaŭ nos, a bolevyja adčuvańni ŭ śpinie tolki abvastralisia. Jany praciahvała pracavać fitnes-trenierkaj, paralelna šukajučy ŭ Indaniezii daktaroŭ, jakija b dapamahli joj dać rady z prablemaj.
U 2024-m dziaŭčyna prylacieła ŭ Biełaruś, dzie vyrašyła prajści poŭnuju pravierku zdaroŭja. Praŭda, ni MRT, ni analizy nie pakazali adchileńniaŭ, akramia staroj hryžy i skryŭlenaj nasavoj pieraharodki. Apošniuju prapanavali vyraŭniać, ale Valancina admoviłasia.
Pry hetym dziaŭčynie stanaviłasia ŭsio horš: da raniejšych simptomaŭ dadałosia ŭzdućcie žyvata, hierpies i advolnyja patorhvańni ciahlic u stanie spakoju. Na hetym fonie trenierka pačała hrukacca va ŭsie mahčymyja instancyi: da nutrycyjołaha, flebołaha, asteapataŭ i ihołkarefleksaterapieŭtaŭ — joj pryznačyli stos BADaŭ i pracu z reabilitołaham, kab likvidavać vyjaŭlenaje zrušeńnie pazvanka, ale da akryjańnia heta nie pryviało.
«U mianie pačali nyć sustavy, ja stała chrabuścieć usim ciełam, jak staraja babka. Dadałasia dyjareja i boli pry močavypuskańni. Ja pravieryłasia ŭ hiniekołaha — usio było čysta. Zrabiła paŭtornuju MRT, bo chadzić z roŭnaj śpinaj užo nie mahła — daktary z Maskvy pastavili mnie dyscyt (zapalenčy praces, što ŭpłyvaje na mižpazvankovy dysk — NN). A ŭ adzin viečar u mianie zdaryŭsia prastreł — nibyta tokam praz uvieś śpinny i hałaŭny mozh, — boli pačalisia va ŭsim ciele, ja ź ciažkaściu chadziła», — zhadvaje Valancina.
U žachu, kali boli abvastralisia, jana vyklikała chutkuju dapamohu, praŭda, pa jaje słovach, tam čaściej śpisvali ŭsio na paničnyja ataki ci hryžu, «raili prapić mačahonnyja».
«Daktary kazali, što takija niejrapatyčnyja boli niemahčymyja, što heta psichasamatyka — voś vam antydepresanty i zaspakajalnaje. Usio ŭ vas z hałavy. Za siem miesiacaŭ ja palažała ŭ balnicach raz dziesiać, abjechała bližejšyja harady i krainy ŭ pošukach adužańnia, zdała stos analizaŭ, maliłasia, zanosiła hrošy ekstrasensam, ale ŭsio roŭna pieratvaryłasia ŭ harodninu»,
— nie chavaje emocyj maładaja žančyna i prosić pra lubuju dapamohu — ci finansavuju, ci paradu doktara, jaki zdoleje pryznačyć joj karektnaje lačeńnie, jakoje narešcie dapamoža.
Samyja rannija prykmiety demiencyi i chvaroby Alchiejmiera: na što źviarnuć uvahu
«Soramna za našu miedycynu». Ciažarnaja biełaruska aburyłasia prośbaj radzilni
«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ
Tabletki, praktykavańni ci apieracyja? Ad čaho źjaŭlajecca mižpazvanočnaja hryža i jak jaje lačyć
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary
Mnie norm.