Pažyćciovaje źniavoleńnie vynieśli žycharu Viciebska za žorstkaje zabojstva svajoj sužycielki
Viciebski abłasny sud vynies abvinavaŭčy prysud 60-hadovamu mužčynu, jaki abvinavačvaŭsia ŭ zabojstvie z asablivaj žorstkaściu. Raniej jon užo byŭ asudžany za zabojstva.
«Zhodna z materyjałami spravy, abvinavačvany ŭ kastryčniku 2024 hoda, znachodziačysia pa miescy žycharstva, užyvaŭ śpirtnyja napoi sa svajoj sužycielkaj. Pamiž imi ŭźnikła svarka na hlebie reŭnaści. U jaje raźvićci mužčyna nanios paciarpiełaj bolš za 90 traŭmujučych uździejańniaŭ nažom, siakieraj i viłami ŭ vobłaść hałavy, šyi, hrudnoj kletki, žyvata, vierchnich i nižnich kaniečnaściej», — raskazali ŭ prakuratury abstaviny spravy.
48-hadovaja žančyna pamierła na miescy. U sudzie mužčyna całkam pryznaŭ svaju vinu.
U vyniku sud pryznačyŭ abvinavačanamu pakarańnie ŭ vyhladzie pažyćciovaha pazbaŭleńnia voli z adbyvańniem u papraŭčaj kałonii va ŭmovach asablivaha režymu.
Prysud jašče nie ŭstupiŭ u zakonnuju siłu, moža być abskardžany i apratestavany ŭ apielacyjnym paradku.
Kamientary