U Pryłukach pad Čarnihavam dron trapiŭ u dom načalnika pažarnaj častki. Zahinuła ŭsia jaho siamja
Siarod zahinułych jaho 46-hadovaja žonka, 27-hadovaja dačka, a taksama adnahadovy ŭnuk. Žančyn ź dziciom znajšli pad zavałami.
U vyniku ŭdaraŭ dronami pa horadzie Pryłuki Čarnihaŭskaj vobłaści Ukrainy zahinuli 5 čałaviek, jašče 6 atrymali ranieńni.
Siarod zahinułych — siamja načalnika načalnika pažarnaj čaści. Sam ratavalnik hetaj nočču z pažarnaj kamandaj znachodziŭsia na miescach likvidacyi nastupstvaŭ udaraŭ.
Zahinuli jaho 46-hadovaja žonka, 27-hadovaja dačka, jakaja pracuje patrulnaj palicejskaj, a taksama adnahadovy ŭnuk.
«Zahinuła jaho siamja. Žonka. Dačka — patrulnaja palicejskaja. I jaje adnahadovy syn. Ratavalnik u tuju žachlivuju noč razam z pažarna-vyratavalnaj kamandaj znachodziŭsia na miescach likvidacyi nastupstvaŭ udaraŭ voraha. Maje spačuvańni z pryčyny niepapraŭnaj straty. Zabojstvy i pakuty mirnych žycharoŭ — heta styl žorstkaj Rasii, dla jakoj čałaviečaje žyćcio nie maje nijakaj kaštoŭnaści», — napisaŭ kiraŭnik MUS Ihar Klimienka.
Pavodle papiaredniaj infarmacyi, rasijanie ŭžyli nie mienš za šeść bieśpiłotnikaŭ typu «Hierań».
Horad Pryłuki znachodzicca na poŭdni Čarnihaŭskaj vobłaści, za 120 km ad Kijeva i za 150 km ad miažy z Rasijaj.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki25
Kamientary