Mierc pryjechaŭ u Vašynhton i padaryŭ Trampu paśviedčańnie ab naradžeńni jaho dzieda
Dakumient, napisany šryftam Ziuterlina, śviedčyć ab naradžeńni Frydrycha Trampa ŭ niamieckaj vioscy Kalštat u 1869 hodzie, piša Deutsche Welle.
Kancler Hiermanii Frydrych Mierc uručyŭ prezidentu ZŠA Donaldu Trampu kopiju dakumienta na niamieckaj i anhlijskaj movach u załatoj ramie. Dakumient kaža ab naradžeńni dziaduli Trampa, Frydrycha Trampa, u niamieckaj vioscy Kalštat u 1869 hodzie.
Padčas pres-kanfierencyi ŭ Trampa spytali, ci jon płanuje pavialičyć sankcyi suprać Rasii. Jon skazaŭ, što stanie «vielmi žorstkim», kali stanie jasna, što vajna nie skončycca chutka.
I dadaŭ, što prasiŭ Pucina nie nanosić zvarotny ŭdar na ŭkrainskuju śpiecapieracyju «Pavucińnie».
«Ja skazaŭ: «Nie rabi hetaha. Tabie nie varta hetaha rabić. Tabie varta heta spynić». Ale znoŭ ža, tut šmat nianaviści», — pierakazaŭ Tramp.
Na pytańnie, ci praciahnie Jon padtrymlivać Ukrainu, Tramp adkazaŭ: «Tak, ja z Ukrainaj. My tolki što padpisali vialikaje pahadnieńnie z Ukrainaj ab karysnych vykapniach… Ja vystupaju za spynieńnie zabojstvaŭ, praŭda».
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja33
Kamientary