«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Kaciaryna trapiła za kraty, kali joj było 17 hadoŭ. Usio praz narkotyki: spačatku dziaŭčyna ich užyvała sama, a potym, jak śviedčyć abvinavačvańnie, pačała ich raspaŭsiudžvać. Prysud — 12 hadoŭ źniavoleńnia.

U kałonii Makaranka zavočna vyvučyłasia na psichołaha. Praŭda, vyhladaje, što za kratami ŭ dziaŭčyny byli i mienš pryhožyja spravy.

Adrazu niekalki byłych palitźniavolenych paćvierdzili «Našaj Nivie», što Kaciaryna aktyŭna supracoŭničała z administracyjaj kałonii i ŭskładniała žyćcio inšym žančynam, u tym liku i palitźniavolenym. 

Adna z byłych źniavolenych, jakaja dobra viedała Kaciarynu, raskazała padrabiaźniej pra šlach dziaŭčyny da vyzvaleńnia pa amnistyi. Hetaja historyja dobra ilustruje, jak nasamreč pracuje instrumient amnistyi i kamu lahčej pa joj vyjści na volu.

Pavodle słoŭ našaj surazmoŭcy, Kaciaryna spačatku adbyvała termin razam ź niepaŭnaletnimi dziaŭčatami, a potym jaje pieraviali ŭ atrad dla darosłych. Jašče na małaletcy Kaciaryna pačała pracavać na administracyju. U darosłym atradzie heta praciahnułasia:

«Jana cisnuła na ŭsich, na «ekstremistaŭ» bolš, tamu što heta tam bolš kaštuje. I ŭsie svaje kamisii [pa źmiakčeńni pakarańnia] jana prachodziła dziakujučy tamu, što padstaŭlała inšych.

Pamiataju, jak jana padstaviła dziaŭčynu-«ekstremistku» za toje, što taja vyłajałasia. Dziaŭčyna heta skazała pry majstrysie na fabrycy, i majstrycha prosta zrabiła zaŭvahu. A Kaciaryna daniesła administracyi — i dziaŭčynu pazbavili doŭhaha spatkańnia».

Takoha, kaža źniavolenaja, było šmat. U vyniku apieratyŭnik, jaki kuryravaŭ toj atrad, mieŭ bahata infarmacyi pra kožnuju «ekstremistku»: chto što robić, što jeść i z kim razmaŭlaje.

Surazmoŭca ŭspaminaje roznyja ŭčynki Kaciaryny:

«Hetaja dziaŭčyna jak chvost chadziła za kožnaj «ekstremistkaj». Jana naprošvałasia na śviatkavańnie Novaha hoda, kab słuchać, pra što my kažam. Jana pravakavała niejkimi pytańniami nakont biełaruskich uładaŭ. Heta nibyta žyvaja kamiera sačeńnia, jakaja chodzić za taboj. I pry hetym uvieś čas, kali jana była pobač, jana ŭsio zapisvała sabie na ruku drobnym počyrkam.

Jana zaŭždy była hatovaja być śviedkaj pierad miantami pa ŭsich spravach, u tym liku sfabrykavanych. Zaŭsiody, kali treba było skłaści rapart pra čyjości parušeńnie, jana była pieršaja: jaje klikali, i jana padpisvała ŭsio, što treba administracyi. Prymušała piensijanieraŭ rabić niejkuju łuchtu nakštałt prybirańniaŭ u pamiaškańniach atrada ci na vulicy. I jaje nie chvalavała, što ŭ kahości mohuć być prablemy sa zdaroŭjem, chacia sama vielmi časta simulavała, kab nie chadzić na pracu». 

Surazmoŭca tłumačyć, što za redkimi vyklučeńniami sistema z pamianšeńniem terminu pracuje tolki dla takich asobaŭ, jak Kaciaryna, jakija supracoŭničajuć z administracyjaj kałonii. Kaciarynie heta sapraŭdy dapamahło trapić dachaty chutčej. 

Pakolki jana ździejśniła złačynstva niepaŭnaletniaj, čas u SIZA joj zaličyli pa formule «dzień za dva», i jana zmahła pretendavać na bolš rańniaje ŭmoŭna-daterminovaje vyzvaleńnie. Ciapierašniuju amnistyju Kaciaryna sustreła nie ŭ homielskaj žanočaj kałonii, a ŭ kałonii-pasialeńni ŭ Baranavičach — tam dziejničajuć palehčanyja ŭmovy ŭtrymańnia.

Pavodle słoŭ našaj surazmoŭcy, maci Kaciaryny «pracuje niedzie va ŭładzie». 

Pavialičyć

Iryna Makaranka kiruje Viciebskim abłasnym centram markietynha i ŭ 2018-m hodzie była pryznanaja «Čałaviekam hoda Viciebščyny». Taksama Iryna — člen prezidyŭma Viciebskaj abłasnoj jačejki pradziaržaŭnaha Biełaruskaha sajuza žančyn.

• 2
• 4
• 2
• 12
• 3
• 1
• 24
• 0